NGIMAWA KAKA JOKRISTO

Be IIkori ne Pek mag Yuto ma Nyalo Sieko?

Ok kawwa gi wuoro sama waneno ka gik ma timore e piny miyo yore mag yuto bedo matek e piny mangima. Nikech ang’o? En nikech wadak e ndalo mag giko kendo Muma miyowa siem ni kik waket genowa kuom “mwandu ma korgi ok ong’ere.” (1Ti 6:17; 2Ti 3:1) Ranyisi mar Ruoth Jehoshafat nyalo puonjowa ang’o e wi bedo moikore ne kinde matek mag yuto?

Ka ne ogendni mamoko dwaro monjo Jehoshafat, nogeno Jehova. (2We 20:9-12) Bende nokawo okenge ma ne dwarore mondo oik ogandano kuom chielo mier motegno kendo bedo grube mag jolweny motieg maber. (2We 17:1, 2, 12, 13) Mana kaka Jehoshafat, wan bende onego wagen Jehova kendo wakaw okenge ma dwarore e kinde ma weche tek.

ANG’O MA WANYALO TIMO MONDO WAIKRE NE PEK MAG YUTO MA NYALO SIEKO?

Bed gi winjruok maber gi Nyasaye: Bed ng’at ma gik ma en-go romo kendo bed gadier ni Jehova biro miyi gik mochuno e ngimani ma pile. (Mat 6:26; 1Ti 6:8) Ng’ad e chunyi ni ok ibi yie ketho puonj mag Muma mana ni mondo iyud gik mochunogo. (Rum 2:21) Ng’e chon kaka ibiro yudo chiemb chuny ka po ni stima kata intanet ong’adore. Bed gi buge moko matin mogo e otas manyalo konyi kendo download buge moko e simbi chon kapok ng’ikni obetie.

Ik gik mochuno: Ka weche mag yuto pok obedo matek, tem ahinya mondo idwok chien gope ma in-go kendo kik ing’iew gik ma ok ochuno. (Nge 22:7) Ka nyalore, kan chiemo moko matin kod gik mamoko mochuno. Jomoko nyalo pidho puodho moro matin mar alot mondo okonygi kik giti gi pesa mang’eny.

NEURU VIDIO MA WIYE WACHO NI BE IIKORI NE MASIRA? KAE TO UDWOK PENJO MA LUWOGI:

Picha mogol e vidio mar “Be Iikori ne Masira?” Nitie picha mar Muma, bag gi simo, kod jogedo.

Gin ang’o ma wan wawegi wanyalo timo mondo waikre ne masira?

Your answer

Picha mogol e vidio mar “Be Iikori ne Masira?” Owete konyo e kinde masira kuom gero ute kod golo gig gedo e lori.

Ere kaka wanyalo ikore konyo jomamoko?

Your answer