Be Iikori ne Kinde mag Tungni?

Kaka wamedo sudo machiegni gi giko pinyni, wabiro romo gi tungni mag siasa, timbe njore, kod lwenje ma siko ka medore. (Fwe 6:4) Ere kaka wanyalo ikore ne tembe ma wabiro romogo e kinde mabiro?

• Bed gi winjruok maber gi Nyasaye: Non puonj mag Muma kod ranyisi mag joma iwuoyo kuomgi e Muma ma biro konyi mondo imed geno Jehova kod riwruok mar ogandane kendo ma biro konyi mondo kik iriw lwedo weche siasa. (Nge 12:5; jr 125-126 ¶23-24) Ma e sa mar mako osiep motegno gi owete gi nyimine e kanyakla.​—1Pe 4:7, 8

• Ik gik mochuno: Ng’euru kama unyalo jotie kuom kinde kendo ikuru chiemo ma nyalo romou kuom kindego. Bende, chanuru chon kaka ubiro wuok ka po ni nyalo dwarore ni uwuog kama untie. Nonuru gik ma uketo e bag ma ubiro ringogo moriwo nyaka gik ma nyalo konyou geng’o tuoche kaka glovs, mask, kod pesa. Ng’euru kaka unyalo tudoru maber gi jodongo kendo un be unyis jodongo kaka ginyalo tudore kodu.​—Isa 32:2; g-SW 17.5 3-7

E kinde mag tungni, dhi nyime timo gik ma konyi rito winjruokni gi Nyasaye kaka lemo, dhi e chokruoge, kod timo puonjruok ma mari iwuon. (Fil 1:10) Kik iwuoth koni gi koni kapo ni ok ochuno ni idar. (Mat 10:16) Pog ne joweteni chiemo kod gik mamoko ma in-go.​—Rum 12:13

NEURU VIDIO MA WIYE WACHO NI, BE IIKORI NE MASIRA? KAE TO UDWOK PENJO MA LUWOGI:

• Jehova nyalo konyowa nade e kinde masira?

• Gin gik mage ma wanyalo timo mondo waikre?

• Ere kaka wanyalo konyo joma oyudo masira?