Ti Kode Kinde Duto
1. Trakt mar Ng’eyo Adiera nyalo konyowa e yore mage?
1 Trakt mar Bende Diher Ng’eyo Adiera? ogo mondo okonywa chako puonjruok mar Muma gi ji. Wanyalo tiyo kode bende e keyo kodhi mag adiera. (Ekl. 11:6) Maluwogi gin moko kuom paro manyalo konyowa tiyo gi traktni e yo maber.
2. Ere kaka wanyalo tiyo ti traktni e chako wuoyo gi ji?
2 Chako Wuoyo: Inyalo miyo wuon ot traktno, kae to inyise penjo auchiel mayudore e ng’eye, bang’e ipenje kama: “Kuom penjo mani kaegi, ere ma isebedo kipenjori?” Bang’ winjo dwoko mochiwo, nonuru dwoko ma Muma chiwo kaka yudore e traktno kae to usom achiel kuom ndiko mochiw kanyo. Som kata iwuo e yo machuok kuom weche mayudore e tok traktno, kae to ichiw bug Muma Puonjo. Kata kapo ni ok oyie kawo buk, gima ber en ni osekawo trakt manyalo miyo adiera odongi e chunye.—Math. 13:23.
3. Ang’o mwanyalo timo kapo ni wuon ot odich?
3 Kapo ni Wuon Ot Odich: Inyalo wacho kama: “Sani to wayudo kidich, kata kamano daher weyoni traktni. En gi penjo auchiel ma ng’enywa osebedo ka penjore kendo ochiwo dwoko mar penjo ka penjo kaluwore gi Muma. Daher winjo paro ma in-go kuom penjogo ka aduogo limi kendo.”
4. Wanyalo tiyo gi weche mage seche ma wachiwo traktni e wang’ yore?
4 Lendo e Yore: Inyalo chako kama: “Amosi. Be isepenjorie achiel kuom penjogi? [Rit dwoko.] Traktni chiwo dwoko mawinjore maler mowuok e Muma.” Kapo ni ng’atno ok odich, unyalo wuoyo kuom achiel kuom dwoko mayudore kanyo kendo inyalo kata miye bug Muma Puonjo.
5. Wanyalo tiyo nade gi traktni e kinde maok wayud ji e utegi?
5 Udi Maok Wayudoe Ji: E alwora moko, jolendo moko hinyo weyo bugewa kama weg udigo nyalo yudogi. Kapo ni kanyaklau nie alwora kaka mago, donge nyalo bedo maber ka kinde moko uweyo ne weg udigo trakt mar Ng’eyo Adiera? Inyalo wacho kama ka idok limogi: “Nyocha wabiro kae mwayudo ka ionge, to ne waweyoni traktni. En penjo mane e traktni ma diher yudo dwoko mare? ”
6. Ang’o momiyo trakt mar Ng’eyo Adiera konyo ahinya e tij lendo?
6 Trakt mar Ng’eyo Adiera lero adiera e yo mayot kendo moriere. Inyalo tiyo kode kiwuoyo gi ji manie din mopogore opogore kata mawuok e ogendini mopogore opogore. Oyot tiyogo; nyithindo kata jolendo manyien nyalo tiyo kode e lendo. Be isebedo kitiyo kode e thuolo moro amora miyudo?