Lokruok Mosetim ne Chokruoge ma Kor Juma

Chakre juma mar Septemba 3, Puonjruok Muma e Kanyakla biro kawo dakika 30 to ok 25. E weche ma jal matayo chakogo, obiro tiyo gi dakika achiel e nwoyo puonj ma juma mokalo. Chokruok mar Tijwa koro biro kawo dakika 30 to ok 35. Migawo mar lendo ok bi bedoe. Kar mano, lendo moro amora onego otim sama migawo mokwongo e Chokruok mar Tijwa chakore. Kinde mang’eny biro dwarore ni otim lendo machuok kapo ni ochuno, kendo onge tiende lando migepe ma idhi chiw e chokruogno. Ok onego oland lendo motudore gi chenro mar dhi e tij lendo, timo ler, kod mos. (km 10/08 ite 1, par. 4) Kapo dwarore ni otim lendo moro manyalo kawo dakika mang’eny, joma nigi migepe onego ong’e chon mondo gita migepegi kuom thuolo machuok.