Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Februar

“Ji mang’eny neno ni Jachien ema kelo gik maricho matimore e piny. Kata kamano, gijopenjore kama: ‘Jachien noa kure? Dibed ni Nyasaye ema nochweye?’ Into ineno wachno nade? [Rit dwoko.] Nee wach ma iwuoye kaeni.” Nyise sula manie tok Ohinga mar Jarito ma Februar 1 kendo unon kode paragraf mokwongo kod ndiko moket kanyo. Chiw gasede kendo itim chenro mar dok nono penjo maluwo.

Ohinga mar Jarito Februar 1

“Dwaher winjo paro ma in-go e wi jal moro ma Jokristo, Jo-Yahudi, kod Jo-Islam omiyo luor. Jalo en Musa. Ang’o ma kwongo biro e pachi kiwinjo nyingno? [Rit dwoko.] Kata obedo ni nitie kinde ma Musa noboth, Muma wuoyo kuome e yo maber miwuoro. [Som Rapar mar Chik 34:10-12.] Gasedni wuoyo kuom kido moko adek mabeyo ma Musa ne nigo kod kaka wanyalo luwo ranyisi mare.”

Amkeni! Februar

“Tinde ji mang’eny hinyo dar e pinjegi ka gidhi e pinje mamoko ka gigeno yudo ngima maber. Be iparo ni giyudo ngima maber ma gidwarono? [Rit dwoko.] Tim mar dar dhi e piny machielo nochakore chon. Ne ane ranyisini manie buk mokwongo mar Muma. [Som Chakruok 46:5, 6.] Gasedni nono penjo man kaegi.” Nyis wuon ot penjo manie giko ite mar 6.