Hriatrengna Sâwmna Chu Leilung Zawng Zawnga Sem Chhuah A Ni Ang!
1. Hriatrengna hun a thlen hmain, leilung zawng zawngah eng campaign nge neih tum a nih?
1 “Mi hriat reng nân hei hi ti ṭhîn rawh u.” (Lk. 22:19) He Isua thupêk hi zâwmin, Pathian Jehova betute chu ngaihventu mi dangte nên Isua thih hriat rengna hmang tûrin March 30, 2010-ah an kal khâwm ang a. He Hriatrengnaa sâwmna chu March 13 aṭanga 30 thlengin leilung zawng zawngah sem chhuah a ni ang.
2. Engtin nge sâwmna chu kan pêk chhuah ang?
2 A Tih Dân Tûr: Sâwmna sem chhuahnaah hian remhriatna leh ngaihruat thiamna hmang ang che. Miin Isua chungchâng a zir belh duh nia i hriat chuan, sâwmna lehkhaa milem a hmuh theih nân pe la, heti hian sawi rawh: “March ni 30 tlaiah chuan khawvêl puma mi maktaduai tam takte chu Isua thih hriat rengna hmang tûrin an inhmu khâwm dâwn a. Chuta tel tûra sâwmna pe tûrin ka lo kal a, in chhûngin in lo tel ve dâwn nia. Khawngaihin inkhâwmna tûr hun leh hmun hi chhinchhiah ang che,” tiin. Dinhmun azirin, chutiang hun hman chu Bible thupêk a nihzia lantîr nân Luka 22:19 i chhiarsak thei ang. Mahse, thu hrilhna bial hrût chhuah nâna hun kan neih tam loh avângin, tawifel taka sawi chu a ṭha a ni tih hre reng ang che.
3. Tute nge kan sâwm ang?
3 A rem chuan, sâwmna bâkah magazine pawh pe chhuak bawk ang che. I tlawhkîr neih te, Bible zirpui te, hnathawhpui te, school kalpui te, chhûngkhat te, ṭhenawm te, leh hmêlhriat dangte chu sâwm hmaih miah suh.
4. Tlanna ruahmanna kawnga Pathian Jehova hmangaihna hriatthiamna leh chu mi avânga lâwmna chuan eng ti tûrin nge min chêttîr ang?
4 Ṭha Taka Tel Tûrin Inbuatsaih Rawh: Hriatrengna hun hi rawngbâwlnaa ṭan lâk sauh hun a ni a. I hun neih dân chu siam remin, auxiliary pioneer i thawk thei ang em? Thlarau lama hmasâwn tak fate emaw, Bible zirpui emaw i nei em? I nei a nih chuan, baptisma chang lo thuchhuahtu anga campaign-naa an tel theih leh theih loh hriat nân upate berâwn ang che. Tlanna ruahmanna kawnga Pathian Jehova hmangaihna hriatthiamna leh chu mi avânga lâwmna chuan Hriatrengna inkhâwma tel tûr mai ni lovin, mi dang a tam thei ang bera lo tel tûra sâwm tûr pawhin min chêttîr ang.—Joh. 3:16.