Chhêk Khâwm Ai Chuan Hmang Rawh

Kohhran tam takah chuan thu leh hla chhuah hluite chu a tling khâwm a. Engvângin nge i theocratic library-a dah atân i lâk loh vang? Watchtower Library CD aṭangin hêng thu leh hla chhuah hluite chu Sâpṭawngin i hmu thei tawh reng pawh a ni thei. Nimahsela, a bu anga neihna hian ṭangkaina a nei a ni. Chu bâkah, Sâpṭawng thiam lote zirtîrna kawngah, mahni ṭawnga hmuh theih thu leh hla chhuahte chu a ṭangkai hle thei bawk a ni. Bible zirpui hmasâwn tak i nei em? I neih chuan ama hman atâna hêng thu leh hla chhuah hluite la tûrin fuih rawh. Theoratic Rawngbâwlna School enkawltu chuan kohhrana tling khâwm thu leh hla chhuahte chu Kingdom Hall library-ah a awm a ni tih a chian tûr a ni. Hêng thu leh hla chhuahte hi a la hlu reng a. Chuvângin, kohhrana chhêk khâwm mai mai ai chuan, kan hman ṭangkai chu a va ṭha zâwk tak êm!