Pathian Thu Ngaithla Rawh—A Hman Dân Tûr

Pathian Thu Ngaithla Rawh tih brochure hi ziak leh chhiar thiam lote hnêna milem hmanga Bible ṭanchhan thutak zirtîr nâna siam a ni a. Phêk hnih inhmachhawn zêlah hian ṭha taka buatsaih milemte chu a chuang a, chûng milemte sawiho dân tûr indawt dân chu feitêa kawhtîr a ni.

Pathian Thu Ngaithlain Chatuanin Nung Rawh tih brochure leh Pathian Thu Ngaithla Rawh tih brochure-a awm milemte chu a inang a; mahse, a hmasaah hian thuziak a tam zâwk a, ziak leh chhiar thiam lutuk lote tâna hman theih a ni. Thuchhuahtute chuan Pathian Thu Ngaithla Rawh tih hmanga an zirpui hunah, zirna kaihhruai nân an hmang duh fo ṭhîn. Phêk tam takah chuan thu belhchhahna bâwm a awm a, zirlai tlin tâwk zêlin sawihopui theih a ni.

Brochure pahnih zînga a enga pawh hi engtik lai pawhin i sem chhuak thei a. Bible zirna i kaihhruai hunah milemte chu Bible-a chhinchhiah thute hrilhfiah nân hmang ang che. Zirlai chu sawihonaa tel ve tûr leh a hre thiam ngei tih chian nân zawhnate zâwt bawk ang che. Phêk tin hnuaia Bible châng târ lante chu chhiarin sawipui rawh. Brochure in zir zawh chuan, i zirpui chu baptisma chang thei tûra ṭanpui nân Bible Zirtîrna Dik Tak Chu Eng Nge Ni? tih lehkhabu emaw, Bible-in Eng Nge Min Zirtîr? tih emaw chu zirpui zawm ang che.