Vênnainsâng-a Thuziak Dangte

Thuchhuahtu tam takin inkhâwm atâna inbuatsaih nân JW Library^® an hmang a, Vênnainsâng zir tûr thuziakte awlsam taka hmuh theih a ni chu an ngaihlu hle. Mahse, Vênnainsâng zir tûr edition-ah chuan thlarau lam chaw chuanna thuziak dangte pawh a tel ṭhîn. Engtin nge chûng thuziakte chu JW Library-ah zawng hmuin, i hlâwkpui theih ang?

• Vênnainsâng zir tûr thuziak tinte tâwpah chuan “Chhiar Tûr Dangte,” tih thupui tê a awm a. Chumi thupui tê hnuaia, “Tûn ṭum chhuaka thuziak dangte,” tih link chu hmet ang che. A chhûnga thu awmte i en chuan, zir tûr thuziak tinte thupui leh a number zât i hmu thei ang. Thuziak dangte zînga i chhiar duh thupui chu hmet ang che.

• JW Library Home tab-a “What’s New,” tih section-a Vênnainsâng chhuak thar lo lang apiang chu download la. Chu i download-sa chu hawngin, chuta thuziak zawng zawng chu i hlâwkpui theih nân, a chhûnga thu awmte chu en kim vek ṭhîn ang che.