Yaa tjíotsoya je testigole Jeobá ya chrian Monrovia (Liberia)

Jókoa̱n kuixoán nga chja̱kaonajmiá chjota

●○○ NGA TÍTJON BICHOAA

Kjoachjonangi: A tojo machjénná jme xi tso je Biblia.

Testo: 2Ti 3:16

Kjoachjonangi xi sʼe̱jnachxʼoá: Jmé xi tínchja̱ni je Biblia.

○●○ NGA MAJAONI KʼA BICHOAA

Kjoachjonangi: Jmé xi tínchja̱ni je Biblia.

Testo: Mt 6:10, TNM

Kjoachjonangi xi sʼe̱jnachxʼoá: Jméni xi sʼin je Chjotaxále Niná.

○○● NGA MAJANNI KʼA BICHOAA

Kjoachjonangi: Jméni xi sʼin je Chjotaxále Niná.

Testo: Da 2:44

Kjoachjonangi xi sʼe̱jnachxʼoá: Jókoa̱nchon sonʼnde nga kʼoakoa̱n.

Fitsʼiakjoanni sá jebi je Xo̱n xi tjítʼa jme xi chotʼayá alikui tijan kʼa kjoaʼaítʼani josʼin si̱káyoaa xo̱n. Je xi kjoaʼaítʼa kui josʼin chja̱kaonajmiá chjota: jngo kjoachjonangi kjoa’aítʼa, jngo testo xi tsʼe Biblia kʼoa jngo kjoachjonangi xi s’e̱jnachx’oá. Nga xki̱ xomana jngo video chótsenlee josʼin chja̱kaonajmiá je chjota. Nga jngó jngó publicador tsen skoéjin jngo xo̱n xi nʼio nichjén nga ʼmiyalee je chjota kʼoa jé xi kuitsoni kʼiáni nga tsjoále je chjota, a kʼiaa nga títjon kabichó axo kʼiaa nga koa̱njaokʼani. Kʼoati kjoaʼaítʼa jokuixoán nga kjuinchónlee xi majanni kʼa kao xi mañoni kʼa. Jebi koasenkaoná nga kui kuenta sʼiaan nga tjínnele kʼuínyalee ngatsʼi xi mele koatio ngantsjai nichxin (Hch 13:48).

Xi kʼoakaole nga kjoaʼa: Yaa tjínnele kʼoangini jme xi kuitso josʼin faʼaitʼa ya “Jókoa̱n kuixoán nga chja̱kaonajmiá chjota”. Tsa tsín jña kʼoatso nga xin tjoénile.