Jósʼiaan nga ndasa kʼuínyasoán: Tisenkoai ʼyani xi tjíonda nga chjotatjenngile Cristo koa̱n

ÁNNI NGA NʼIO CHJÍSÍNILE: Jé Jeobá xosʼín nga je chjota xi ndʼé tjío ni̱ma̱le katamajinle jotjínni xi kjoakixi nga koa̱n so̱kole je kjoabijnachon xi ngantsjai (Hch 13:48; 1Co 3:7). Jé Jeobá nixákoaa kʼianga bʼenelee yaoná nga bisenkoaa je chjota xi sítjoson jmeni xi kjimajinle (1Co 9:26). Machjén nga katamajinle nga tjínnele koaisʼenngindá kʼianga koa̱n kuitjontjai (1Pe 3:21). Tsa mená kʼianga chjotatjenngile Cristo koa̱n je xi tiʼmiyalee Biblia, machjén nga kuisenkoaa kʼianga kui kʼoakatasʼín jmeni xi sasénle Niná, nga katatsoyason, nga katatsjoá estudio kʼoa nga katatsjoátʼale yaole je Jeobá (Mt 28:19, 20).

JÓKOA̱N SʼIAAN:

• Kʼoatʼinlai je xi tibʼailai estudio nga kui xá tíʼmiyanile nga katabe tʼatsʼe je Jeobá kʼoa nga kui kʼoakatasʼín jmeni xi sasénle (Jn 17:3).

• Nga tosi tonda katasíkʼantjaiya yaole, tisenkoai nga katasíkatío jmeni xi tsín sasénle Niná kʼoa kao je miyo xi tsín nda.

• Tʼainganʼiolai kʼianga kjesa fisʼenngindájin kʼoa kʼianga jekoaisʼenngindá (Hch 14:22).

KʼIANGA JECHÓTSENLAI JE VIDEO JÉ JEOBÁ KOASENKAOLI, CHÓTʼAYAJIN KJOACHJONANGI JEBI:

• Jméni xi tsokjón kʼale nga tsín tsjoátʼanile yaole je Jeobá kʼoa nga tsín fisʼenngindáni.

• Je xi chjotajchínga sʼin tjío, jósʼin tsjoánganʼiole je xi sʼa tjíokotʼaya Biblia nga tosi tonda katasíkʼantjaiya yaole.

• Jméni xi bakóyaná tʼatsʼe Jeobá ya Isaías 41:10.

• Jméni xi koasenkaoná kʼianga tosi tonda si̱xálee je Jeobá ninga chjotajée maa.