Jósʼin basenkaoná je kjoabʼechjíntjaile Jesús
Nga xki̱ nó millón mani je testigole Jeobá kao xi kjaʼaí chjota xi batiojtín nga síkjaʼaitsjenya kjoabiyale Jesús, kʼoa kui kʼoasʼínni nga̱ jé Jesús xokitso nga kʼoasʼin si̱kjaʼaitsjenya (Lucas 22:19). Nga kʼoasʼin nikjaʼaitsjenyá basenkaoná nga ʼyaa jokji chjíle jmeni xi kisʼin nga tsakʼéchjíntjainá. Jmeni xi kisʼin je Jesús basenkaoná ndʼai kʼoa kao nichxin xi nroaján (Juan 3:16).
Jósʼin koasenkaoli nga tsakʼéchjíntjainá Jesús ni kʼin kʼoa ni mai nga jaʼaitsjenya kjoabiyale nó jebi. Jao koya tjínni jmeni xi koa̱n sʼiaan tojo kitso je Jesús.
1. Kataʼyasai xi tʼatsʼe Niná kʼoa tʼatsʼe Jesús. Ñandia nga i̱ kitso je Jesús kʼianga tsakʼétsʼoale je Niná: “Jé xi kjoabijnachon ngantsjai, nga kʼoasʼin skoe̱li xi tojngo ji Niná xi ñaki kjoakixi, kʼoa skoe̱ Jesucristo je xi kinikasáin” (Juan 17:3).
2. Si̱tjosoán jmeni xi kjimajinná. Je Jesús kʼoakitso nga ndatjín nga si̱tjosoán jmeni xi kitsoya. Tobʼelañá, kʼianga kitsoya ya jngo nindo kʼoakitso nga nda kisʼin je chjota xi kinrʼoéle kʼoa xi kisitjoson jmeni xi kitsoya (Lucas 6:46-48). Kʼoa ñandia nga i̱ kitso: “Tsa ʼyanío kjoa jebi, jó tondano tsa kʼoasʼiaon” (Juan 13:17).
A mesali jchai xi tʼatsʼe Niná kʼoa xi tʼatsʼe Jesús. A meli jchai jme xi koasenkaoli nga si̱tjosuin jmeni xi kitsoya je Jesús. Kʼoatʼiain jebi.
Koaan chótʼayai Biblia
Nʼio nkjín chjota tjíobinyakao josʼin bakoyaijin je Biblia kʼoa kjimajinle jmeni xi tso kʼoa tjíosítjoson.
Koaan chótʼai jñani tso “Josʼin nga koa̱n chótʼayai Biblia” tsa meli jchai josʼin bakoyaijin.
Chótsenlai je video Josʼin chótʼayai je Biblia tsa meli jchai josʼin bakóya je testigole Jeobá.
Kjoajtín xi satíonajin
Xi testigole Jeobá maijin jao kʼa satíonajin kjoajtín nga xki̱ xomana ya Ndʼia jña chotʼayá. Nga biyojtínjin kui chotʼayaijin Biblia kʼoa josʼin kjuintjenngiaa kjoafaʼaitsjen xi faʼaitʼa.
Je kjoajtín xi satíonajin koaan koai toʼya chjotani; alikui toje testigole Jeobá xi fichó. Koaan nga ñaki kʼuín jña biyojtínjin kʼoa tsa mai koaan videoconferencia kuitjásʼain.
Je video Jméni xi ma kʼianga biyojtínjin yaa kuitsoyasali jmeni xi nʼiaijin nga biyojtínjin.
Tsa meli jchai jñani ngisa chrian koa̱nli nga kʼuín jña biyojtínjin, titjásʼain jñani tso “Kjoajtín xi satíole je testigole Jeobá”.
Xi faʼaitʼa página xi tíjnanajin kʼoa kao video
Nkjín koya xi faʼaitʼa página xi tíjnanajin kʼoa kao video xi koasenkaoli nga koa̱nsali xi tʼatsʼe jmeni xi kitsoya Jesús kao je kjoanda xi tjenkao nga tsakʼéchjíntjainá.
Tobʼelañá, tsakui meli jchai jósʼin nga tojngo chjota tsakʼasjentjainá tʼatsʼe kjoabiya xi millón mañá, tʼexkiai jñani tso “¿De qué manera nos salva Jesús?” kao “Ánni kjoañʼai tsakjaʼásíni kʼoa kʼiensíni je Jesús”. Kʼoati koa̱n chótsenlai je video Ánni nga kʼiensíni Jesús.