Josʼin koa̱n sʼe̱yo je rebista

Jósʼin koa̱n sʼe̱tsʼiakao estudio kʼianga xoto nga tífitsʼia sá diciembre

“Je chjota nʼio faʼaitsjenle xi tʼatsʼe Jesús sá jebi. A ʼyaní jméni xi nʼio chjíle kisʼin kʼianga jaʼai i̱ Sonʼnde. [Tʼaiʼndelai chjota nga katanchja̱.] Koakola jngole joʼmi je kjoaʼmiya xi faʼaitʼa ibi.” Jngo rebista La Atalaya xi tsʼe 1 de diciembre chʼa̱sjai kʼoa takolai pájina 16. Tʼinya jngolai kjoachjonangi xi ya faʼaitʼa kao párrafole. Tʼexkialai ninga tojngo testo. Tjayolai rebista kʼoa kʼoatʼinlai nga kʼuínchon ijngokʼalai nga chótʼaya ijngo kjoachjonangi xi tjíotʼasa.

La Atalaya 1 de diciembre

“Nʼio nkjín chjota xi tse kjoanda bakó nga bʼasje sʼuí xi tsʼe Nabidad. Jñánile nga aon koya xi faʼaitʼa ibi xi ngisa chjíle, jósi ngái ji. [Takolai chjota nga aon koya xi faʼaitʼa ya pájina 3 kʼoa tʼaiʼndelai nga kʼoakatatso. Xijekoa̱n, takolai je kjoaʼmiya xi kui tínchja̱ni kʼoa tʼexkialai je testo xi yʼangini.] Je rebista jebi tsoyaná jósʼin jchaxkoán Jesús ngantsjai nichxin kʼoa li tsa tokʼiajin nga bitjo sʼuí jebi.”

Despertad Diciembre

“Mani nga nʼio tse kjoa tjíofaʼatojin ndʼaibi je chjota, tjínkʼa xi totje̱n síjtile yaole kʼoa xi tsínle kjoatsejta. A tiʼyaní nga kʼoakjima. [Tʼaiʼndelai chjota nga katanchja̱.] Tjínkʼa xi kʼoasʼin makjainle nga jetíbitjoson jmeni xi tongini kitso Biblia i̱ 2 Timoteo 3:1 [tʼexkialai]. Je rebista jebi bakóyaná ánni nga xkón tíjnasíni tsa totje̱n si̱jtilee yaoná. Kʼoa tsoyaná jméni xi sʼiaan nga katasʼená kjoatsejta.”