Josʼin koa̱n kʼuínyasoán

Jósʼin koa̱n sʼe̱tsʼiakao estudio kʼianga xoto nga tífitsʼia sá diciembre

“Je xi xijchá ma kui xi mele nga katamale je ʼndíxtile xi tʼatsʼe Niná kʼoa nga tsjoake katama. Jósi ngái ji, jméni xi ngisa ndatjín: a kuinga je xijchá kuitsoyale ʼndíxtile xi tʼatsʼe Niná axo kuinga tojé ʼndíxti katabásjai.” Tʼaiʼndelai chjota nga katanchja̱. Takolai je kjoachjonangi xi títjon faʼaitʼa ya jto̱n yátsʼi̱n je Xo̱n xi Bájinkonná xi tsʼe 1 sá diciembre, kʼoa tʼexkialai je párrafole kjoachjonangi xi títjon faʼaitʼa kʼoa tʼexkialai ninga tojngo testo xi ya nroatʼa. Tjayolai je rebista kʼoa kʼoatʼinlai nga kʼuínchon ijngokʼalai nga chótʼayao kjoachjonangi xi majaoni.

Xo̱n xi Bájinkonná 1 sá diciembre

“I tichjakaonajmí ngotjuijin je xíngiaa xi tʼatsʼe Niná. Nga jngó jngó chjota kjaʼaí kjaʼaísʼin síkjaʼaitsjen xi tʼatsʼe Niná. Je chjota, a kʼoasʼin bekon Niná joni jngo miyo xi mandosinle xi tʼatsaan, axo tsín tsen male tsa koa̱n simiyo, jósi ngái ji. [Tʼaiʼndelai chjota nga katanchja̱.] Je Biblia tsoya nga koa̱n miyole Niná koaan. [Tʼexkiai Santiago 4:8a.] Rebista jebi, jan koya bakóya jmeni xi koa̱n sʼiaan nga koa̱nchriantʼalee je Niná.”

¡Despertad! Diciembre

“I tichjakaonajmí ngotjuijin je xíngiaa xi tʼatsʼe chʼin xi nʼio tíbʼatsen, jolani je xi depresión ʼmi. Je Organización Mundial de la Salud kʼoatso nga sa nkjín sa nkjín chjota xi kui koa̱nle. Jósi ngái ji, a kʼoatjín jebi. [Tʼaiʼndelai chjota nga katanchja̱.] Je Biblia kʼoatso nga nichxin xi nroaján likui tisʼe̱ni je chʼin kao je kjoaʼaon xi tjín. [Tʼexkiai Apocalipsis 21:3, 4.] Rebista jebi kui nchja̱ni xi tʼatsʼe chʼin xi bʼetʼale kjoafaʼaitsjenná.”