A koaan kʼoakʼuínlee tsa kʼoakoa̱nle koaikaoná nga mangínkʼinyasoán

Tjín jtín jñani tjíokʼa xíngiaa xi jetsoyason xi chʼintáo tjíokao kʼoa tjíokʼa xi jenʼio jchínga, kʼoa likui tinanda chókjoanile nga fitsoyason (2 Cor. 4:16). Kʼiatsa tjíokʼa ndsʼee kao tichjaa ya jinjtínná xi kui kjoa tjíojin, a koaan kʼoakʼuínlee tsa kʼoakoa̱nle koaikaoná nga koanngínkʼinyalee jngo chjota. Kʼoa tsa tsín ma bitjo niʼyale, a koaan ya kjuinkoaa je chjota xi tiʼmiyalee ánni nga ya kʼoaisínilee estudio. Koaan kjuinkao sakʼoaa nga mangínkʼinyasoán je xíngiaa xi chʼin tjíokao ninga tongotjo chókjoale, kʼoa tsamaije̱ kjuinkoaa nga koanngínchon ijngokʼalee tsa jngo kʼoa tsa jao chjota xi jesa kichjakoaa Énle Niná. Je ndsʼee kao tichjaa xi jenʼio jchínga nʼio male josʼin fákao chjota je Énle Niná. Kʼoati nʼio kuinyakaoná tsa je kuitjokoaa (Rom. 1:12). Je Jeobá nʼio tse kjoanda tsjoáná kʼiatsa tosi tonda koakolee kjoatsjoacha kʼoa tsa kuinyakoaa je ndsʼee kao tichjaa (Prov. 19:17; 1 Juan 3:17, 18).