Nga kʼoabíson sá noviembre je tratado número 38
1. Jméni xi kjonangi chjota xi tʼatsʼe kjoabiya, kʼoa jósʼin kuinyakoaa nga katabe xi tʼatsʼe jebi i̱ sá noviembre.
1 Ningalani kjaʼaí kjaʼaísʼin makjainle chjota xi tʼatsʼe kjoabiya, tonga ngatsʼiñá nga tsaotʼaná (1 Cor. 15:26). Nʼio nkjín chjota xi kui kjonangi jósʼin tjío je ʼndíkʼienle kʼoa tsa kuichoka nichxin nga skoe̱ ijngokʼa. Kʼianga katabe xi tʼatsʼe jebi, jngo sá si̱kʼabísoan je tratado número 38 Én xi bájinkonná tʼatsʼe Chjotaxále Niná, xi ʼmi: “A kjoaʼáyanile je kʼien”. Kʼiaa kʼoétsʼiakaoñá nga 1 sá noviembre kʼoa jngo tjíjtsa Sonʼnde nga kʼoabíson xo̱n jebi. Nga jekjoaʼato sá noviembre tosi tonda si̱chjén tratado jebi nga kʼuínyasoán.
2. Jósʼin kisʼenda je tratado número 38 kʼoa jméni xi faʼaitʼa.
2 Je xi faʼaitʼa tratado jebi. Je tratado número 38 Én xi bájinkonná tʼatsʼe Chjotaxále Niná kʼoasʼin kisʼenda nga koa̱n sʼe̱kjaoya. Ya portadale kui faʼaitʼa joʼmi je tratado, kʼoa itso xi kjonangi: “Jósi... a jaon, a mai, tsakui nichxin”. Kʼianga skótʼa chjota xo̱n jebi, skoe̱ní jotso je Biblia kʼoa jósʼin koasenkao jmeni xi tso. Kʼoati skoe̱ ánni nga koa̱n koa̱nkjainsínile jotso je Biblia. Ya jto̱n yátsʼi̱n tratado jebi ijngosa kjoachjonangi faʼaitʼa xi koa̱nndosinle je chjota, kʼoa kui xi koasenkao nga tosi tonda skótʼaya.
3. Jósʼin kʼoabíson je tratado número 38 Én xi bájinkonná tʼatsʼe Chjotaxále Niná.
3 Jósʼin kʼoabíson. Me kʼoatisʼin si̱kʼabísoan xo̱n jebi josʼin nikʼabísoán je xo̱n xi fayolee chjota nga faʼaitsjenya kjoabiyale Cristo kʼoa kao xi tsʼe kjoajtíntse xi jan nichxin. Jé xi chjotajchínga sʼin tjío kʼoakuitso jósʼin koa̱nxá ya territorio xi bʼakaole jtín, kʼoa kui koaitjenngi jotso je karta xi kinikasénle je xi chjotajchínga sʼin tjío xi tsʼe 1 sá abril nó 2013. Je jtín xi choa territorio tjínle koaan tsjoánganʼiole je jtín xi tiya chrian tjíoni xi ngisa tse territorio tjínle. Kʼianga chjoé je tratado jebi ya jinjtínná, koaan tokʼoatjín chjoé jotjín koa̱nchjénná nga jngo xomana. Kʼiatsa jekabʼabíson ngakjijnda ya territorio kʼoa tsa kuinje̱ngisa je tratado jebi, koaan ya si̱kʼabísoan ya jñani nʼio tjín chjota. Kʼiatsa kjoe ndi̱to̱n xo̱n jebi kʼoa tsa kje fetʼajin sá noviembre, koaan kui kʼoabíson je xo̱n xi kʼoati kui sá kʼoabíson. Je xoto xi koaitsʼiani sá noviembre ngisa kʼoailee kjoandosin nga je tratado número 38 si̱kʼabísoan ʼndele nga estudio kʼoétsʼiakoaa. Kʼoa kʼianga xoto kao nga taingo kʼoati koa̱n si̱káyolee rebista je chjota. Koaan tongini kʼoéndajiaan josʼin kʼoainganʼioá je sá nga kʼoabíson tratado jebi.