Kjitʼanangi kjuinkjasjee je chjota

Josaʼnda nga kisʼendaya chjotse jmeni xi faʼaitʼa ya dirección xi tíjnaná ya Internet, nʼio nkjín chjota xi kui tjíosíchjén nga tjíosíjé nga kataʼmiyale Biblia. Kʼoa nga tíʼmiyason ya jña nʼio tjín chjota kʼoati ya tínroani nga kʼoasʼin tjíosíjé estudio. Kʼoa je sucursal ndi̱toon kotʼa je solicitud xi bichóle. Kʼiatsa ya tje̱n jw.org nikasénnile je solicitud, to jao nichxin síkʼachxin nga síkasénle je xi chjotajchínga sʼín tjío ya jtín jña bʼakaole. Tonga tísʼejinnajin nga sakʼoa nkjín xomana faʼato nga chan fisíxatʼa je chjota xi síjé estudio je ndsʼee xi kasʼenele. Jméni xi sʼiaan kʼianga ndi̱to̱n kataʼmiyale Énle Niná je chjota xi mele skótʼaya tiʼani nga sʼa mandosinsale (Mar. 4:14, 15).

Kʼiatsa jngo chjota ska̱jin xi mandosinle Énle Niná xi likui ya tíjna ya ʼnde jña bʼakaole nga tsoyason je jtínli, kjitʼanangi tʼendai jngo xo̱n xi Sírvase visitar (S-43-S) ʼmi, kʼoa je tʼailai je xi secretario sʼin tíjna kʼianga sʼe̱jna ngindia je kjoajtín. Kʼoa je ndsʼee jebi saʼnda likui jao nichxin tjínnele sikʼachxin nga sikasénle je jtín xi bʼakaole kʼoa tsa maije̱ koaan ya sikasén ya sucursal ya tje̱n pestaña xi Congregación tso ya jw.org. Je xi chjotajchínga sʼin tjío tjínnele kjitʼa skótʼa ya jw.org. Kʼiatsa sʼe̱jinle nga jngo chjota tíjna xi mele skótʼaya tjínnele kjitʼanangi kʼoendajin ʼyani xi koaisíxatʼa. Kʼoa je publicador xi sʼe̱nele kjitʼanangi koai. Kʼiatsa tsín ska̱jin chjota nga kuichonrʼoe ya niʼyale koaan jngo xo̱n sikájnale jñani kʼoetʼa direcciónle, número xi tsʼe teléfonole kʼoa tsa correole.