Si̱chjén jw.org kʼianga ʼmiyasoán

Je dirección xi tíjnaná ya Internet nʼio ndasʼin machjén nga tíbichó je énnda chjotse “jña saʼnda nga fetʼa sonʼnde” (Hech. 1:8). Tonga nʼio nkjín chjota xi tsín be dirección jebi, kʼoa tokʼiaa be tsa jngo publicador kʼoakuitsole kʼoa tsa koakole.

Jngo superintendente viajante xi ya kisikʼéjnaya celularle je video xi Ánni nga machjénsíni nga chótʼayai Biblia ʼmi, kʼoa kjitʼa bakóle je chjota. Tobʼelañá, kʼianga tsoya nga xki̱ niʼya itsole je chjota: “Tongotjo tisixatʼa je chjota kʼoa kui tixinyale jñáni koa̱nsjainá jmeni xi nʼio chjonangilee yaoná, jolani: Ánni nga kʼoasikji kjoa tjínni. Jósʼin kʼoendajin Niná. Kʼoa jméni xi koa̱n sʼiaan. Nga jan koya jebi, i̱ video jebi bakóya”. Tokjoan bakóle chjota kʼoa kuenta sʼín josʼin sasénle. Video jebi nʼio sasénkon je chjota kʼoa me ngatsʼi nga kotsenle saʼnda nga fetʼa. Kʼoa xijema je ndsʼee itsole: “Josʼin nga kaʼyai koaan si̱jái ya jw.org nga kataʼmiyali je Biblia. Tonga kʼoati koa̱n koako kjoanle josʼin ʼmiyaijin Biblia”. Tsa jyole je chjota, je ndsʼee tsoyale josʼin ʼmiyaa Énle Niná kao je foyeto Énnda chjotse. Kʼoa tsa tsín ale je chjota, kʼoatsole nga kʼia koakoyale nga kuichokon ijngokʼale. Kʼoa kʼianga ya fi jñani saténa kafé, kʼoatisʼin fákaonajmí tsa ʼya xi ya chrian tíjna. Kʼoa ñá, a tinichjénñá je jw.org kʼianga ʼmiyaa Énle Niná.