JONʼIA XI CHJOTALE CRISTO MAA
Xi kjoaʼaítʼa chjotse je rebista josʼin chja̱kaonajmiá je chjota
Tjen sá marzo nó 2016,a sakʼoaa kui kjoaʼaítʼa ya jto̱n yátsʼi̱n je Xo̱n xi Bájinkonná je kjoaʼmiya xi “Jótso Biblia” ʼmi. Kjoaʼmiya jebi kui xá kisʼendani nga koasenkaoná josʼin chja̱kaonajmiá je chjota. Kʼoati me mangóson josʼin tjíonda je tratado. Jngo kjoachjonangi faʼaitʼa, kʼoa jngo testo xi tsʼe Biblia nroatʼa, kʼoa faʼaitʼasa ngikʼa kjoafaʼaitsjen.
Kʼianga nda chjakaonajmiá je chjota xi tʼatsʼe Biblia kʼoamani nga kotʼaya. Si̱chjén kjoaʼmiya jebi nga kuinyakoaa je chjota xi mele nga skoe̱ xi tʼatsʼe Niná (Mt 5:6).
JÓSʼIN SI̱CHJÉN KJOAʼMIYA JEBI:
Chjónangilai je naile ndʼia jósʼin síkjaʼaitsjen tʼatsʼe kjoachjonangi xi faʼaitʼa.
Tinóʼyalai jokuitso kʼoa tʼailai kjoanda.
Tʼexkialai testo xi faʼaitʼa ya jñani “Jotso Biblia” tso, kʼoa chjónangilai jósʼin síkjaʼaitsjen. Kʼiatsa ale je chjota, tʼinyalai kjoafaʼaitsjen xi faʼaitʼa ya jñani “Jótsosa Biblia” tso.
Tʼailai je rebista.
Kʼoatʼinlai jmekjoan nichxin kʼuínchon ijngokʼalai nga chótʼayajion kjoachjonangi xi majaoni.
a Kjoaʼmiya jebi kʼianga én kastía kʼiaa tjen jaʼaitʼani nga sá enero nó 2016 je rebista La Atalaya xi sʼeyole chjota.