Jósʼin si̱chjén foyeto ʼYáni xi kʼoatjíosʼín ndʼaibi josʼin mele Jeobá

Je foyeto ʼYáni xi kʼoatjíosʼín ndʼaibi josʼin mele Jeobá kui xá kisʼendani nga kʼuínyalee je chjota kʼianga ñandia ñandia bʼailee estudio, koaan tsakui títjon kʼuínyalee kʼoa tsa maije̱ kʼia kʼuínyalee nga jekabʼailee estudio.a Je kjoaʼmiya 1 saʼnda 4 kui tsoya jñá kitjenñá xi testigole Jeobá maa; kʼoa kjoaʼmiya 5 saʼnda 14 kui tsoya je xá xi nʼia, kʼoa kjoaʼmiya 15 saʼnda 28 kui tsoya josʼin tiyojtián. Ngisaa nda nga koanngínkao chʼin chʼiaan nga kʼuínyalee, tonga tsa jme xi ngisa mandosinle je chjota xi bʼailee estudio koaan kui chótʼayá jme xi mandosinle. Nga jngó jngó kjoaʼmiya jngó jngó pájina faʼaitʼa kʼoa me to aon kʼoa tsa te minuto chotʼayañá.

• 

  Nda si̱choyalee je chjota kjoachjonangi xi faʼaitʼa jña fitsʼiani nga jngó jngó kjoaʼmiya.

• Koaan kʼoéxkiaa ngakjijngo kjoaʼmiya kao je chjota kʼoa tsa maije̱ kʼoati koa̱n tsa choa choa kʼoéxkiaa.

• Cho̱bayañá jmeni xi kamaxkia. Si̱chjén je kjoachjonangi xi tjío jña fetʼani nga jngó jngó kjoaʼmiya kʼoa kao je sén xi faʼaitʼa. Ñá chjoéjiaan jñanile je testo xi kʼoéxkiaa kʼoa xi chótʼayá. Koakolee je xi tiʼmiyalee nga je én xi jma kjoan bakóya jme xi kjonangi jña fitsʼiani kjoaʼmiya.

• Tsa tjínle rekuadro xi “Tsa mesali jchai” tso je kjoaʼmiya xi tichotʼayá, kʼoéxkiaa kʼoa kʼoakʼuínlee je xi tiʼmiyalee nga katafitjenngi je kjoafaʼaitsjen xi tsjoá rekuadro jebi.