Nda chjoéyaa je xi bichó kjoajtín

Nda chjoéyaa ngatsʼi je xi bichó kjoajtín, jolani je chjota xi tokʼia bichótítjon kʼoa tsa jeje̱ xi jekjoatse ʼyaxkoaan (Ro 15:7; Heb 13:2). Tsakui nichxin jngo ndsʼee xi xin naxinandále kuichosíxatʼaná kʼoa tsa jngoje̱ ndsʼee xi jenkjín nó tsín tibichóni kjoajtín, xi tokʼia kuichotítjon ijngokʼa. Si̱kjaʼaitsjeen, jósʼe̱ tokoán tsa ñála ñá, a tsí tsjoa sʼe̱ná tsa ʼya xi nda skoéyaná (Mt 7:12). Kuinga kʼoénesínilee yaoná nga si̱tiʼndaa je xi bichó ya Ndʼia jña chotʼayá kʼianga kjesa fitsʼiajin kjoajtín kʼoa kʼianga jefetʼa. Tsa kʼoasʼiaan kui xi koasenkaoná nga nda kuiyoaa ya jinjtín kʼoa nga tsjoa sa̱tío tokoán, kʼoa jé Jeobá kuitjongʼa (Mt 5:16). Tsakui nichxin likui kʼoakoa̱nná nga chja̱kaonajmiá ngatsʼi je xi bichó, tonga tsa nda chjoéyaa nda sa̱tío kon.a

Nda chjoéyaa ngantsjai je xi bichó kjoajtín ali tsa tokʼiajin nga faʼaitsjenya Kjoabiyale Cristo. Kʼianga skoe̱ je chjota xi tokʼia bichótítjon nga tsjoachaa xíngiaa, tsakui nichxin koa̱nmele ya koatiojinná kʼoa kʼoasjengʼa je Niná (Jn 13:35).