Tisenkoai je xi ʼmiyalai Biblia nga tsín je katasímiyo xi tsín nda sʼín

Tsa mele nga miyole Jeobá koa̱n je xi Biblia ʼmiyalee tjínnele nda skoéjin je miyole (Sl 15:1, 4). Tsa nda sʼín je miyole kuinyakao nga kui kʼoasʼin xi ndatjín (Pr 13:20; lff kjoaʼmiya 48).

Kʼianga kuinyakoaa je xi Biblia ʼmiyalee, kuenta sʼiaan nga ñʼai male nga síkatío je miyole. Kuinga machjénsíni nga kuenta sʼiaan jotjío kon nga ñandia ñandia ʼmiyalee. Koaan mensaje si̱kasénlee, koaan kuinókjoalee kʼoa tsa kjuinnixatʼa ngotjoá. Nga sa tse sa tse koa̱njinle Énle Niná, koakolee xi kjaʼaí ndsʼee nga katabexkon. Kʼoasʼin skoe̱ni nga nʼio nkjín miyole sʼe̱le (Mr 10:29, 30). Kʼoati nʼio tsjoa sa̱tío tokoán nga jchaa nga sa nkjín sa nkjín kjimani xi tjíofaʼaijin naxinandále Jeobá.

KʼIANGA JECHÓTSENLAI JE VIDEO KUINYAKOAA JE XI ʼMIYALEE BIBLIA NGA TSÍN JE KATASÍMIYO XI TSÍN NDA SʼÍN, CHÓTʼAYAJIN KJOACHJONANGI JEBI:

• ʼYáni je miyo xi tsín nda sʼín (1Co 15:33).

• Jósʼin kisikjaʼaitsjen tsakai je Coral tʼatsʼe josʼin bʼétsaojin je testigole Jeobá.

• Jósʼin tsakasenkao Rita je Coral nga je ndsʼee kisimiyo.