MESŪWAT YI OKTĀN TUWEMOHEREP SAꞌAG̃ HAP

4 | Erewanentup o Tupana Ehay piat aru e hap koꞌi kape

KAT POTE MIꞌI HAP WAKU ETUNUG̃

Mītꞌīn iꞌatuwanentup hap kowoꞌi kowoꞌi kuap karāmpe putꞌokꞌe niatpo hap koꞌi turān miꞌi pote mītꞌīn iꞌatusēra kuap hawyi teꞌeruwanentup kuap karāmpeꞌi poꞌog̃ hamo aheig̃neꞌen hap waku iꞌatuꞌe.

Niatpo turān iraniaꞌīn mītꞌīn ȳt teꞌeruwanentup kahatoꞌi teꞌerokenꞌẽ aikotā̃ hamuat temoherep kuap iꞌatuwȳwo hamuat hap kape.
Niatpo turān iraniaꞌīn taꞌatuwāure taꞌatuetiat niatpo hamo teꞌeremahyꞌu kahato sio teꞌeruwesuhuhit sapy kahato.
Iraniaꞌīn niatpo turān iꞌatukuꞌuro terān teꞌeruwanentup hawyi teꞌeroꞌe waku poꞌog̃ uikuꞌuro raꞌyn iꞌatuꞌe.

Kat hap koꞌi waku etikuap

Asuwe ētiat niatpo hap meremo neꞌi tokosap hamo hawyi waku poꞌog̃ hamo ēte.
Asuwe ētiat niatpo hap koꞌi ȳt tuweꞌywykꞌi maꞌato etunug̃ kuap iraniaꞌīn kat koꞌi kat koꞌi erepowȳro hamo.
Tupana Ehay henoi mesūwat yi totiat saꞌag̃ hoꞌopot hap koꞌi wȳwo toimomã yne hamo raꞌyn e. Miꞌi hap ete etimohey hawyi etipȳwo kuap.

Kat asom waku etunug̃ korā̃

Tupana Ehay ainãpin Pyno ȳt nakuꞌi eiwanentup mug̃kiꞌite wuat niatpo aru eiꞌe hap kape neꞌi maꞌato waku eiwanentup koityꞌi wuat raꞌyn niatpo hap kape yn waku. — Mateu 6:34.

Ȳt nakuꞌi erewanentup aikowat niatpo hap wemoherep hamo hap kape maꞌato poꞌog̃ waku erewanentup korā̃ wuat eminug̃ kuap koꞌi hap ete.

Erewanentup kahato saꞌag̃ hap koꞌi kape ȳt tuwemoherep ite rakaria kape pote ewanentup hap mosēra kahato hamo iꞌewȳte erewanentup kahato hamoꞌi poꞌog̃ eweig̃neꞌen hap meij̃uran epote waku hamo hap kape.

KAT HAP KOꞌI ASOM ETUNUG̃ KUAP — Mowȳro koꞌi hap

NIATPO PYKAI EREWANENTUP O WAKU RAKAT NUAT KOꞌI KAPE

Tupana Ehay ainãpin Mekewaria ȳt nakuatꞌi hap iꞌatuete wuatꞌi eꞌāt pe niatpo hap yn taꞌatupuenti. Maꞌato miꞌiria waku pe iꞌatupyꞌa piat pote iꞌatuwepīt hap yn toig̃neꞌen. (Porowepiu 15:15) Erewanentup kahato ētiat niatpo hap kape yn pote niatpo poꞌog̃ hamo etiꞌakit ētiat niatpo hap koꞌi hamo. Maꞌato niatpo pykai erewanentup wakuat koꞌi kape hap epowȳro hamo niatpo hap akit hamo.

Ȳt nakuꞌi erehaꞌat poityꞌi wemoreherep saꞌag̃ hap koꞌi kape sio erenentup kahato.
Wuatꞌi eꞌāt pe tuereto erenentup kuap Tupana miium wakuat koꞌi hap upi hawyi ehewaku kuap miꞌi.
Waku etiwan popera pe yne korā̃ wuat eminug̃ koꞌi terān hawyi kurin upi kurin upi miꞌi hap etunug̃ kuap hawyi niatpoꞌi poꞌog̃ hamo etunug̃ yne hamo.

EWERĀN NEIꞌO EHENTUP O MOWȲRO HAP

Tupana Ehay ainãpin Uwe ȳt tuwewyꞌinug̃ terānꞌi iraniaꞌīn wȳwo miꞌi haype tuwewowi yn tuwanentup. Miꞌi haype ȳt toikyꞌesatꞌi wakuat woꞌonãpin hap. (Porowepiu 18:1) Etiꞌakit kuapꞌi niatpo hap koꞌi ewerān maꞌato ewyriaꞌīn sio ewyꞌokria epowȳro pote etiꞌakit hamo niatpo hap koꞌi.

Ehentup o mowȳro hap ewyriaꞌīn ewyꞌokria pe.
Erewanentup o kat waku etunug̃ kuap ewyriaꞌīn ewyꞌokria upi hap kape. Miꞌi hap koꞌi epowȳro hamo erenentup kahatoꞌi ētiat niatpo hap kape yn hamo.
Erewanentup hawe kat hamoꞌi poꞌog̃ atiꞌywoporo te uheig̃neꞌen hap ere pote waku ereto mohag̃ nug̃ haria kape. Ehenoi yne iꞌatuepe eꞌahū ewanentup saꞌag̃ hap kaipywiat eꞌarōt kahato hap. Miꞌiria epowȳro kuap hamo aikotā̃ taꞌatupowȳro raꞌyn iraniaꞌīn hap ewy miꞌi pote waku kahato iraꞌyn iꞌatuete.

Tupana Ehay piat aru e hap koꞌi aipowȳro kuap.

Tupana mohey kahato hat toꞌe — Ewat ehay ti aikotā̃ ariãty uipuꞌap moẽtyhot hamo hawyi uhewyry kuap hap ewy. Miꞌi ariãtyhot puo wyti ȳt aipy parapꞌe kuapꞌi e. (Saumu 119:105) Tupana Ehay aikotā̃ lanterna hapyhot kahato rakat ewy.

Karāmpe ahewyry iꞌypyryp wo turān lanterna aipowȳro kahato aikopuo wato hamo hap ete. Miꞌi hap ewy Tupana Ehay aipowȳro kahato niatpo turān waku rakat aira hamo iꞌewȳte waku rakat upi wato hamo.

Ariãty aipowȳro wy watehaꞌat yne aheꞌyan me hamo. Miꞌi hap ewy Tupana Ehay henoi aikotā̃ hamuat meij̃uran hamuat hap etiat wy.

Tupana Ehay henoi aikotā̃ me tesaꞌawynug̃ saꞌawy mesūwat yi tote hap hawyi tohenoi wy aikotā̃ hamuat ieig̃neꞌen meij̃uran wuat hap etiat. Tupana Ehay tiwesat apoꞌe hap koꞌi. Kotā̃ e hap.

Aikotā̃ me asom

Aikotā̃ me saꞌag̃ hap tesaꞌawynug̃ hap Tupana Ehay henoi. Miotā̃ e — Nimo te Atãu ȳt tunug̃ꞌi Tupana mikyꞌesat ewy hawyi Tupana toꞌe Atãu me — Meke tā̃ etunug̃ saꞌag̃ hawyi ti aru ekuꞌuro hap topyhuꞌat e Tupana Atãu me iꞌewȳte yne Atãu mempytꞌīn me. — Humanu 5:12.

Kat pote

Mītꞌīn ȳt timomã kuapꞌi niatpo hoꞌopot hap koꞌi. Tupana Ehay toꞌe — Atikuap taꞌyn miꞌiria ieig̃neꞌen hap ȳt toig̃neꞌenꞌi topo sēse piat pe e. (Ieremia 10:23) Karāmpe miꞌi hap kape watenentup pote watikuap pȳwo kahato miotā̃ e Tupana Ehay hap.

Kat hap asom

Kat hap koꞌi asom Tupana tunug̃ hamo mesūwat yi totiat niatpo hap koꞌi momã hamo. Tupana Ehay henoi — Koitywy ti aru ȳt karāmpeꞌi teꞌeruwak poꞌog̃ e. Ȳt katꞌi iꞌatuꞌarōt hap e. Ȳt katꞌi poꞌog̃ haty hap e. — Iesui Aru E Hap 21:4.