Vali na kwambulwila ku Monrovia, kuyehi na Liberia

Vingila vya Kwendekelamo

●○○ VUNGENDTHZI VWA KULIVANGA

Chihula: Mbimbiliya ichili na theho ano matangwa ndi?

Chithoneka: 2Ti 3:16

Chihula cha vungendthzi vukwavo: Muthzimbu muka wakala mu Mbimbiliya?

○●○ VUNGENDTHZI VWA KWILUKILA VWA KULIVANGA

Chihula: Muthzimbu muka wakala mu Mbimbiliya?

Chithoneka: Mat 6:10

Chihula cha vungendthzi vukwavo: Vumwene vwa Njambi vukalinga vika?

○○● VUNGENDTHZI VWA KWILUKILA VWA MU CHIVALI

Chihula: Vumwene vwa Njambi vukalinga vika?

Chithoneka: Nda 2:44

Chihula cha vungendthzi vukwavo: Vika vikalingiwa mu kaye?

Kushangumuka ngonde ino, ku viwano vya mukati ka chalumingo kukukalakala ma vindiyo atatu mu chalumingo cha kulivanga aje amwetha vingila vya kwendekelamo. Oloni ha vingila vya kwendekelamo vya mu Mukanda wa Viwano hakalakala chihula na chithoneka na chihula cha vungendthzi vukwavo mangana tulivwahethele vungendthzi vwa kwilukila. Mu chalumingo na chalumingo mukalakala vindiyo imo ije imwetha mwa kwendekela. Muka-kwambulula na muka-kwambulula napande kulyangwila ikeye vavenya livulu lyana mu lihya ipwe ha vungendthzi vwa kulivanga nameme ha vungendthzi vwa kwilukila. Kutundoho, mu Mukanda wa Viwano mukalakala vingila vivali vya kwendekelamo vije vikwatha muka-kwambulula elukile ku munu yanathimutwiyiye nendi. Echi chitukwatha kweta ku vimbunge vya vanu vaje “vavangwilile ku mwonyo wa myaka yoshe.”—Vil 13:48.

Ñanda ya Muna Sikola: Vana va sikola vanapande kulinga vimwetho vya vingila vya kwendekelamo, kuvanga nga vanamwetha ngwavo kethi valinge vimwetho.