Kwambulwila Banu Boshe

Yehova wakwasele Baisalele balikwatasane, co netu ali na kutukwasa mangana tulikwatasane na kulinga cizango cendi. Minango, bitingitingi, bikungulukilo na bibunga bya baka-kwambulula mu kaye koshe bili na kupangela hamo mangana cipangi ca kwambulula muzimbu waubwa ciye kulutwe. Tukambulwila banu boshe kwambateselela na baje bendeka ndaka yeka.—Kuj 14:6, 7.

Kuma mushaka kulilongesa ndaka yeka mangana mukwase banu balilongese busunga ndi? Nga kumwesi bwino na simbu ya kulilongesa ndaka yeka, mwasa kupangesa JW Language app mangana mulilongese mwakwendekela nambe majwi amasi. Nga mupangesa ndaka yeka omwo mwambulwila banu, co muliziba ngwe mubalizibilile bandolome betu ba mu ciita ca myaka ca kulibanga omwo bambulwilile banu “byuma bya kukomokesa bije byanalingi Njambi,” mu ndaka yabo.—Vil 2:7-11.

KENGENI VIDIO YA PWA KABUSAMBA KA YEHOVA—AMBULWILENI BAJE BENDEKA NDAKA YEKA. KUTUNDAHO, KUMBULULENI BIHULA BINATAKO:

• 

  JW Language app yasa kumikwasa bati?

• 

  Byuma muka bili ha JW Language app?

• 

  Bindaka muka bibakendeka banu mu citingitingi ceni?

• Bika bimunapande kulinga nga kuli umo ashaka kulilongesa busunga, oloni endeka ndaka yeka?—od-SK 94-95 ¶39-41