AKENI MBUNGE KU CIPANGI CA KWAMBULULA | BYUMA BIMIKWASA MULIKUWE CIPANGI CA KWAMBULULA
Lombeni Bukwasi Kuli Bakweni Baka-kwambulula
Yehova natwana ‘bakwetu baka-kukulahela mu kaye koshe’ mangana batukwase. (1 Pe 5:9) Batukwasa omwo tuliwana na bukalu mu cipangi ca kwambulula. Cakumwenako, kapositolo Paulu wawanene bukwasi kuli ba Akwila na Pilisila, Silasi, Timateo na bakwabo beka.—Vil 18:1-5.
Bandolome na bandokazi basa kumikwasa bati mu cipangi ca kwambulula? Basa kumileka mwakukumbulwila baje balinga bimata, mwakulingila mangenzi a kwilukila na mwakushangumukila kutwamenena bilongesa bya Mbimbiliya. Mu cikungulukilo ceni, iya asa kumikwasa ha bukalu bumuli na kuliwana nabwo mu cipangi ca kwambulula? Mulekeni mangana amikwase. Nga mulinga ngoco, co mulitakamesa umo na mukwabo. Co lalo mupwa bakubwahelela.—Fil 1:25.
KENGENI VIDIO YA KUPWISA BANU BANDONGESI KUMILINGISA MUBWAHELELE—TAMBULENI BUKWASI BWA YEHOVA—BANDOLOME BETU. KUTUNDAHO, KUMBULULENI BIHULA BINATAKO:
Neeta nashongangeyeye bati Jade mangana ashangumuke kuya ku biwano?
Mwafwa bika tunapande kulanyako bakwetu baka-kwambulula ha simbu itutwamenena cilongesa cetu ca Mbimbiliya?
“Kubanga cikungulukilo coshe cipangele hamo asina twase kukwasa munu apwe ndongesi”
Byuma muka byazemene manene ndokazi Abigay bije byazema Jade?
Twasa kulilongesa bika ku bakwetu baka-kwambulula nga twambulula hamo nabo?