Kwaseni Bamukalilongesa Nabo Mbimbiliya Bajenjuke Babusamba Bababi

Bamukalilongesa nabo Mbimbiliya banapande kwangula mwamubwa babusamba mangana bapwe babusamba ba Yehova. (Mya 15:1, 4) Nga bangula bubasamba bababwa co babakwasa balinge byuma byabibwa.—Vis 13:20; lff cilongesa 48.

Endekeni mu cizemo omwo mukwasa bamukalilongesa nabo Mbimbiliya becele kulikwatasana na babusamba babo bababi. Kwasa kubakaluwila kwecela kulikwatasana na babusamba babo bababi. Ngeci bamweseni ngweni mwabaka mbunge na ha matangwa kumwesi na kulilongesa nabo Mbimbiliya.Mwasa kubasonekelako ka muzimbu, kubatumina foni nambe kubendela. Nga munanguka ngweni banashangumuka kukola ku sipilitu, co mwasa kubalanyako ku kacilika ka mu kala nako na bakweni Baka-Kilistu. Kulinga ngoco kubakwasa bananguke ngwabo banawana banu bababwa ba kulikwatasana nabo kutubakana baje babanaseze. (Mak 10:29, 30) Neni mubwahelela kumona naanga ya Yehova muili na kulibwezelela.

KENGENI VIDIO YA KWASENI BAMUKALILONGESA NABO MBIMBILIYA BAJENJUKE BABUSAMBA BABABI, KUTUNDAHO, KUMBULULENI BIHULA BINATAKO:

• Babusamba bababi bafwa bati?—1 Ko 15:33

• Jade wasinganyekele ngwendi ku bilika bya baka-Kilistu kukafu bati?

• Neeta wakwasele bati Jade mangana awane babusamba bababwa?