Nzita Yapwa Yaibi
Banu baje bakaliwana mu binzita bakakala mu bushonde bwakama. Maswalale hamolika na banu baje banaliwanaho laja mu nzita, bazibuka mwamubwa byuma byabibi bikalingiwa ha simbu ya nzita.
MASWALALE
Munalume wa lizina lya Gary uje wakala ku Britain wendekele ngwendi: “Kulimwena banu oku babatsiya nambe oku banabulumuka manene, kukulingisa ulishoshomwene manene ha byuma byasa kulingiwa.”
Munalume wa lizina lya Wilmar uje wakala ku Colombia wendekele ngwendi: “Banjashele cilyanga mu mwongo na ku cihanga. Co njalimwenenene bakulunu na banike babangi babatsiya. Nzita ikalingisa munu akenyuke mbunge.”
Munakazi wa lizina lya Zafirah uje wakala ku United States wendekele ngwendi: “Kulimwena munu mubamupilwila cinapu cuma cije kuwasa kwibala. Co unasa kutwalelelaho kulinga ngwe uli na kumona na kuziba uje munu oku atambeka na kulila. Ngeci kuwasa kwibala uje munu.”
BANU
Munakazi wa lizina lya Oleksandra uje wakala ku Ukraine wendekele ngwendi: “Njalizibile ngwe kunjikapu lalo wa kubwahelela. Njalishoshomwenene manene ngwange hamo banjitsiya nambe hamo basa kutsiya babushoko na babusamba bange.”
Munalume wa lizina lya Daler uje wakala ku Tajikistan wendeke ngwendi: “Kwakele na kutewesa kwimana mu mukana wa kutambwila byakulya kushangumuka ku ma 02:00 kweta ku ma 23:00, mwafwa twalishoshomwenene ngwetu hamo basa kutupilwila mu mukana.”
Munakazi wa lizina lya Marie uje wakala ku Rwanda wendekele ngwendi: “Bisemi bange boshe batsile mu nzita. Co njasalele mu busiwa kwa kujeneka munu wa kunjizembeleka nambe kunjinyungilila.”
Nameme aba banu bayandele manene mwafwa ya nzita, hano bali mu kwoloka. Co banakulahela ngwabo binzita byoshe na lwozi ololo bihwa. Kano Kaposhi ka Kukengela kapangesa bisoneka bya mu Mbimbiliya mu kulumbununa mubikahwila ebi byuma.