DIˈIB MIIMP MÄ NYIˈAK: ¿TI XYTYUKNIˈˈIJXËMË YˈIJXPAJTËNË MOISÉS?
¿Pën Moisésˈäjt?
¿Ti miimp mä mwinmäˈäny ko xymyëdoyë tyäˈädë xëë Moisés?
◼ ¿Ja maxuˈunk diˈibë tyääk pëjtakë katsyoty ets nyikakë mä ja nëë diˈib xyëˈäjtypy Nilo?
◼ ¿Ja mixyuˈunk diˈibë faraongë nyëëx yajˈyaˈkë mëkjäˈäyˈagujky jap Egipto, per kyaj tjäˈäytyëgooy ko yˈisraelitëty?
◼ ¿Ja yetyëjk diˈib borreegë kuentˈäjt 40 jëmëjt jam Madián?
◼ ¿Ja diˈib maytyak mëdë Jyobaaa mä ja ujts diˈib yaˈamp?
◼ ¿Ja diˈib wyinguwäˈkë ja rey diˈib Egipto, diˈib yˈanmääy mëktaˈaky parë dyaˈˈawäˈätspëtsëmët ja israelitëty mä nety yajtuumbëˈattë?
◼ ¿Ja diˈib yˈanmääyë faraon ko nety tyukminyëty mäjkë ayoˈon?
◼ ¿Ja diˈib wyooyoˈoyë israelitëty ko pyëtsëëmdë Egipto?
◼ ¿Ja diˈibë Dios yajtuun parë dyajnaywyäˈkxë ja mejnyë Tsaptspë?
◼ ¿Ja diˈib myooy ja israelitëty ja Mäjkpë Mandamientë diˈibë Dios yäjk?
DUˈUNË Moisés jyukyˈajty ets yˈaktuun tijaty. Yëˈë xëmë tmëduunyë Dios, pääty wintsëˈëgë yaˈitëdë pënaty myëbëjktëbë Kristë, judiyëty etsë musulmán.
Moisés yëˈë tuˈugë kugajpxy diˈib mëjwiin kajaa tijaty tyuun (Deuteronomio 34:10-12). Perë Jyobaa yëˈë pudëjkë. Yëˈë tuˈugë yetyëjk diˈib duˈun “extëm ëtsäjtëm”, duˈun extëm jyaˈayˈäjttë wiinkpë kugajpxyëty (Santya̱ˈa̱gʉ 5:17). Moisés myëmadak kanäk pëkyë jotmay diˈib tyam nanduˈun nwinguwäˈkëm.
¿Mnijawëyaampy wiˈix tmëmadaky? Nˈokˈijxëm tëgëk pëkyë jyaˈayˈäjtën ets wiˈix mbäät niˈˈijxtutëm.
[Notë]
a Biiblyë jyënaˈany ko Dios txëˈaty Jyobaa.
[Dibujë diˈib mä pajina 3]