Ja tuunk diˈib mas jëjpˈam yajtunäämp
1. ¿Ti nëjx nduˈunëm pën jëjpˈam nyajnäjxëmë Diosë tyuunk?
1 ¿Tiko janäämëty nyaˈˈanmäˈäyëm ets nyajtuˈunëmë xëë tiempë, jot mëjää etsë meeny sentääbë mä Diosë tyuunk? ¡Yëˈko kyaj jyaˈˈatyë wiinkpë tuunk diˈib mas jëjpˈam yajtunäämp! Ko nbawinmäˈäyëm tiko yajtuny, yëˈë xypyudëjkëm parë niˈigyë njotmoˈoyëmë tyäˈädë tuunk diˈib ninäˈä jatëgok kyanekyyajtunäˈäny (Apos. 20:24).
2. ¿Wiˈix nyajmëjpëtsëˈëmëmë Diosë xyëë ko nëjxëm tëjkˈayeˈebyë?
2 Myëjpëtsemyë Diosë xyëë. Diˈib xëmë nimaytyakëm ko nëjxëm tëjkˈayeˈebyë, yëˈë ko Diosë yˈAnaˈamën Kyutujkën mët yëˈëgyëjxmë Jesus dyajnitëgatsäˈäny tukëˈëyë gobiernë diˈib yä naxwiiny ets dyajjëjptëgoyaˈany tukëˈëyë amay jotmay (Mat. 6:9, 10). Ets ko yëˈëyë Jyobaa diˈib mbäät xyaˈˈawäˈätspëtsëˈëmëm mä oˈk tëgoˈoyën ets mä yuu päˈäm (Isa. 25:8; 33:24). Ets kom yëˈë nmënëjxëmë xyëë, mbäädë jäˈäy myëjkugajxyëty ko tˈixtët wiˈix njukyˈäjtëm ets wiˈix njotmoˈoyëmë tyuunk (1 Peed. 2:12). ¡Jantsy jotkujk nayjäˈäjëm ko abëtsemy nyaxwinyëdë nyajmëjpëtsëˈëmëmë Jyobaa diˈib yˈanaˈamdaapy tukëˈëyë! (Sal. 83:18.)
3. ¿Tijaty kunuˈxën yˈaxäjëdëp pënaty kyupëjktëp ja oybyë ää ayuk?
3 Mbäädë jäˈäy nyitsoˈoky. Jyobaa tsyejpy “es ja pojpë jäˈäy jyodëmbittët, [...] këdiibë kyutëgoytyët” (2 Peed. 3:9). Per pën kyaj pën tyukniˈˈixëty, ¿wiˈix tnijawëdët tijatyë Jyobaa yˈoyˈijxypy ets tijaty yˈaxëkˈijxypy? (Jon. 4:11; Rom. 10:13-15). Ko jäˈäy tˈaxäjë ja oybyë ää ayuk, ta tmastuˈutyë axëkˈäjtën ets yˈoyë jyukyˈäjtën (Miq. 4:1-4). Nan mbäät tˈawixy tjëjpˈixy ja jukyˈäjtën diˈib itäämp winë xëë winë tiempë. Pääty pën kyaj nmastutëmë tyäˈädë tuunk, nëjxëp nnitsokëm ets nan nëjxëp nyitsoˈoktë pënaty myëdooˈijtypy (1 Tim. 4:16, Nuevo Mundo [NM]). ¡Jantsy jotkujk nayjäˈäjëm ko mbäät nduˈunëmë tyäˈädë tuungë jëjpˈambë!
4. ¿Tiko jyëjpˈamëty ngäjxwäˈxëm ets nyaˈëxpëjkëmë jäˈäy?
4 Tim tsojk tsyondäˈägäˈäny ja mëj ayoˈon ets ta ajotkumonë jyäˈtäˈäny ja kutëgoˈoyën. Yëˈëyë tsokwëˈëmandëp pënaty myëduundëbë Jyobaa. Pääty ko ngäjxwäˈxëm ets ko nyaˈëxpëjkëm jäˈäy, yëˈë diˈib mas jëjpˈam yajtunäämp, diˈib yajtukjotëgoyäämp ets diˈib mbäädë jäˈäy pyudëkëty. ¡Nˈokpëjtakëm jëjpˈamë tyäˈädë tuunk mä jukyˈäjtën! (Mat. 6:33.)