TË TJÄˈÄYTYË Diˈib wyooyoˈoytyëbë Jyobaa Tyestiigëty

Mëguˈuktëjkëty:

¡Mëj njantsy jäˈäjëm ko nxëˈäjtëm Jyobaa tyestiigëty! Yëˈë nmënëjxëmë xyëë diˈib yˈanaˈamdaapy tukëˈëyë, tuˈugë xëë diˈib ijtp winë xëë winë tiempë, diˈib nipën mëët kyayaˈijxkijxyë ets diˈib nipën duˈun tkaxëˈaty. Yëˈë Jyobaa diˈib duˈun ojts xyëëmoˈoyëm mä jëmëjt 1931 ets yëˈë tadë xëë diˈib yajtukˈijxwëˈëmëm (Isa. 43:10). Pääty, mëj njantsy jäˈäjëm ko nxëˈäjtëm Jyobaa tyestiigëty.

Mëjkuˈu mëktaˈaky tˈëxtäˈäyë winmäˈäny parë dyajjëjptëgoyaˈanyë Diosë xyëë. Naxwinyëdë jäˈäy diˈib yëˈë yˈaneˈemy kyaj tmëjˈixyë Diosë xyëë, etsë Mëj Babilonyë o tukëˈëyë relijyonk diˈib kyaj tyëyˈäjtënëty, të tjoˈtsëdë Diosë xyëë mä kanäägë Biiblyë mët ko tˈaxëkˈixtë. Perë Jesus tëgatsy diˈib tyuun, yëˈë jawyiin myaytyakë Diosë xyëë ko ttukniˈˈijxë ja yˈëxpëjkpëty wiˈix nyuˈkxtäˈäktët: “Duˈun jaˈa mëbëjtsoogëxëty: Dios Teety, miity mëdyiibë tsajpjooty tsënaaybyëny, wintsëgëˈëy jaˈa mxëë miity yˈity” (Mateo 6:9, NTM). Ok, ta jatëgokë tyeety ojts tmënuˈxtaˈaky ets tˈanmääy: “Ja jäˈäyëty diˈibëts mij xymyooyëts yä naxwiiny, tëts nduknijawëdë [“ja mxëë”, NM]” (Fwank 17:6). Ëtsäjtëm yëˈë nbanëjxëmë Jesus yˈijxpajtën, pääty të ja jot winmäˈäny nbëjtakëm parë ngäjxwäˈxäˈänëmë Diosë xyëë abëtsemy Nyaxwinyëdë.

Tadë tekstë diˈib të tyuny 2009: “Nˈoknimaytyakëm yajxon ja oybyë ayuk”, yëˈë të xypyudëjkëm parë njotmoˈoyëmë Diosë tyuunk (Hech. 20:24, NM). Ets yajxon kyëxeˈeky ko Jyobaa mëjwiin kajaa të tkuniˈxyë tyäˈädë tuunk mä tadë jëmëjt të nyaxy, pes naxwinyëdë abëtsemy të nyajmëjpëtsëˈëmëmë xyëë. Ja të tyundë 7,313,173 käjxwäˈxpë diˈib të tmëtmaytyäˈäktë ets të ttukniˈˈixëdë jäˈäy wiˈix yˈoyëyaˈany tukëˈëyë jotmay diˈib wyinguwäˈkëdëp tuˈuk tuˈugë xëë. Ets mä të yajjamyetsyë Jesusë yˈoˈkën xëë, ja të tyuˈukmuktë 18,168,323 jäˈäy, tyäˈädë yëˈë xytyukˈijxëm ko mä kyajäˈtynyëmë tiempë mä jyëjptëgoyaˈanyë tyäˈädë axëëkpë jyukyˈäjtën, miyonkˈamë jäˈäy yˈakpëtsëmäˈäny diˈib myëjkumayaambyë Diosë xyëë.

Axtë mäbäädë Jyobaa tnasˈixë, duˈunyëm ngäjxwäˈxäˈänëmë tyäˈädë oybyë ää ayuk, pääty nˈokˈëxtäˈäyëmë winmäˈäny wiˈix mbäädë jäˈäy ndukmëdoˈojëm (Mat. 24:14; Mar. 13:10). Oy nbatëm tëjkm dëjkm, nëˈääy tuˈääy, mä telefënë o ko nduknigajxëmë neky, nˈoktuknijäˈäjëm pënën Jyobaa ets tijaty tyuknibëjtakëp.

Ijtëm seguurë ets yajxon nnijäˈäjëm ko Jyobaa tim tsojk dyajmëjpëtsëmäˈänyë xyëë (Eze. 36:23). Wingoonˈadëtsp ja tiempë mä niˈamukë pënaty tyam axëëk yajwëˈëmdëbë Diosë xyëë duˈunyë myoongëdäˈägäˈändë. Per pënaty myëduundëbë Jyobaa ets kyäjxwäˈxëdëbë xyëë ets tˈëxkaptë ko yëˈë myëdäjtypyë madakën ets yˈanaˈamët, ¡jantsy jotkujk nëjx nyayjawëyäˈänëdë!

Jyobaa të dyaˈixyëty ko xytsyojkëm ko të dyajjaˈˈatyë tuˈukmujkënë tëgëk xëëbë etsë taxk xëëbë, maybyë ja të tyunyëty 2009 diˈib të txëˈaty: ¡Nayjëjpˈixëdë! Tyäˈädë tuˈukmujkën mëj të nyaxy nuˈun kujk tijaty yajtuny mä Jyobaa kyäjpn, ets nan të xytyukjaygyujkëm yajxon ko jëjpˈam nayjëjpˈijxëm mä ja xëë diˈibë Jyobaa yajminaampy (Mar. 13:37; 1 Tes. 5:1, 2, 4).

Duˈunë duˈun, Jyobaa oyjyaˈaytyakp mët ëtsäjtëm, pes xyajjotkujkˈäjtëm mëjwiin kajaa, ets xyajpoˈxëm extëmxyëp mä tuˈugë lugäärë jantsy nikpojtsnëbë ääyoty mëëyoty ets xyanëjxëm mä poˈxtakn mä jyapëtyë kom nëë (Sal. 23:1, 2; 100:2, 5).

Mëguˈugitëty, ittë seguurë ko Jyobaa xëmë mgunuˈxäˈänëdë pën kyaj xymyäjtsˈyungëdë Diosë tyuunk nuˈunë xëë poˈo myiny kyëdaˈaky.

Nduknijäˈädëp nanduˈun ko ntsojktëp.

Yëˈë mmëguˈuktëjkëty,

Diˈib wyooyoˈoytyëbë Jyobaa Tyestiigëty