¿Wiˈix ndukˈoyˈäjtëm ko jyaˈˈatyë grupë parë nëjkxëm käjpxwäˈkxpë?
1. ¿Tijaty mbäät ndukˈoyˈäjtëm ko jyaˈˈatyë grupë diˈib nëjkxtëp käjpxwäˈkxpë extëm ko ijty jyaˈˈatyë Estuudyë de Liibrë?
1 ¿Jam tii diˈib mwinˈayoopy ko ijtyë Estuudyë de Liibrë yajtuny? Jantsy oy ijty nnayjäˈäwëm ko nduˈukmujkëm niwaanë ets ko mbäät nnaymyaaybyëjkëm mëdë nmëguˈukˈäjtëm (Prov. 18:24). Ja nmëguˈukˈäjtëm diˈib ijty nyikëjxmˈäjtypyë Estuudyë de Liibrë, naytyukjotmaytyuunëp ijty wiˈix nyaˈijx nyajpatëm ets xymyoˈoyëm ja naybyudëkë diˈib nyajtëgoyˈäjtëm (Prov. 27:23; 1 Peed. 5:2, 3). Per tukëˈëyë tyäˈädë, mbäät duˈunyëm ndukˈoyˈäjtëm mä ja grupë diˈib xypyatëm ko nëjkxëm käjpxwäˈkxpë.
2. ¿Tijaty mbäät xytyuny mä ja mgrupë parë jantsy oy mnaymyaaybyëkëdët mëdë nmëguˈukˈäjtëm?
2 ¿Tijaty mbäät xytyuny? Duˈun extëm ijty mä Estuudyë de Liibrë niwaanaty nduˈukmujkëm, nanduˈun mä grupë ko nëjkxëm käjpxwäˈkxpë. Ko nduˈunëm tuˈugyë mëdë nmëguˈukˈäjtëm, ta mas niˈigyë ja naymyayë kyëktëkë mët yëˈëjëty (Filip. 1:27). Mä ja mgrupë, ¿ninääk kujk mëdë nmëguˈukˈäjtëm mnëjkxy käjpxwäˈkxpë? ¿Mbäät xytyunyë mëjää parë mëët niˈamukë mbëtsëmët? (2 Kor 6:13.) Nan mbäädë nmëguˈukˈäjtëm diˈib mä mgrupë xywyoy mä mDiosˈawdaty mëdë mFamilyë o xywyoy kaabyë. Mä näägë naymyujkën, ja grupë diˈib nëjkxtëp käjpxwäˈkxpë, naytyukniwijtsëdëp parë tëgokaty dyajkaytyë ja nmëguˈukˈäjtëm diˈib nëjkxp diskursaräjtpë. Ja grupë diˈib patëp dyajkayët, ta tyuˈukmuktë parë yˈitäˈän xyonäˈändë waanë, oy näˈäty ja diˈib diskursaräjtp kyawëˈëmy.
3. ¿Wiˈix nˈaxäjëmë kanäk pëkyë naybyudëkë mä ja grupë?
3 Ko tyam nnaymyujkëm majtskˈok mä tuˈukpë sëmään, kyaj yëˈë tˈandijy ko mëjjäˈäytyëjk jeˈeyë wanaty tpudëkëdët pënaty käjpxwäˈkxtëp. Pes ja diˈib nyikëjxmˈäjtypyë grupë, yëˈë patëp ets tmëjämoˈoyët ja myëguˈuktëjk, tpudëkët niduˈuk niduˈuk ets ttukniˈˈixët wiˈix kyäjpxwäˈkxtët. Pën mijts kyajnëm mnëjkxy käjpxwäˈkxpë mët ja diˈib nyikëjxmˈäjtypyë grupë, ¿tiko xykyaˈˈanëëmë ets mëët mnëjkxët? Diˈib yˈijxypy wiˈix ngäjpxwäˈkxëm nan nëjkxëp tkuˈixë sääbëdë domingë tuˈugë grupë mä tuˈukpë poˈo. Ets mä naymyujkënë diˈib mutsk mbäät tkuˈixë majtskˈok mä tuˈukpë jëmëjt tuˈuk tuˈuk ja grupë. Ko mgrupë yajkuˈixë, ¿mdukniwijtsëp parë mnëjkxy käjpxwäˈkxpë?
4. 1) ¿Wiˈix yajtukniwitsë ko nbëtsëmäˈänëm tëjkˈayeˈebyë? 2) ¿Tiko mbäät nˈawäˈänëmë tëjk parë jamë nmëguˈukˈäjtëm nyaymyukëdët ets pyëtsëmdët käjpxwäˈkxpë?
4 Ko sääbëdë domingë tyuˈukmuky kanäägë grupë parë nyëjkxtë käjpxwäˈkxpë, kanäk pëky yajtukˈoyˈaty. Myëduk pëky, kom kanääk ja lugäär mä pyëtsëmdë, mbäät tsojk jyäˈttë parë tmëdooˈittët ti yajmaytyäˈägäämp etsë net nyëjkxtët mä ja territooryë. Myëmajtsk pëky, kyaj nëgoo tsyiptaˈaky parë yajwijtswäˈkxtët ets parë tsojk nyëjkxtët. Ets myëdëgëëk pëky, ja diˈib nyikëjxmˈäjtypy ja grupë, mbäät mas oy tˈijxˈity tkuentˈaty ja grupë diˈib wyooˈijtypy. Näˈäty, nan oy ko yaˈˈawijtsmukët majtsk o tëgëëgë grupë. Pën mä tim jawyiimbë sääbëdë o ko yaˈëxpëjktäˈäyë Diˈib Xytyukˈawäˈänëm tuˈugyë ja naymyujkën pyëtsëmäˈändë käjpxwäˈkxpë, oy ko yˈuˈunyëdët mët ja gryupë, net ja diˈib nyigëjxmˈajtypy ttukniwitsët wiˈix nyëjkxäˈändë mä kyajnëm yajtuny ja nuˈkxtakën. (Ixë rekuäädrë “¿Mbäät xyˈawanë mdëjk?”.)
5. Tyam kyaj nyekyyajtunyë Estuudyë de Liibrë, per ¿mä ti mbäät nˈijtëm seguurë?
5 Tyam kyaj nyekyyajtunyë Estuudyë de Liibrë, per duˈunyëmë Jyobaa xypyudëjkëm parë nduˈunëmë tyuunk (Ebr. 13:20, 21). Yëˈë nitii tkayajtëgoyˈatäˈäny (Sal 23:1). Ko jyaˈˈaty kanäägë grupë parë nëjkxëm käjpxwäˈkxpë, mëjwiin kajaa yajtukˈoyˈaty. Pääty min nˈoktuˈunëm, ets nˈokjamyajtsëm ko “ja diˈibë nip kajaa [...] may dyajpëdeˈeky ja pyëjtaˈaky” (2 Kor. 9:6).
[Dibujë mä pajina 6]
¿Mbäät xyˈawanë mdëjk?
Näägë grupë yaˈˈawijtsmujkp mët ko kyaj jyaˈˈatyë lugäär mä tyuˈukmuktët sääbëdë domingë parë nyëjkxtët tëjkˈayeˈebyë. Ko nduˈukmujkëm parë nëjkxëm käjpxwäˈkxpë nan yëˈë duˈumbë ëxpëjkën nˈaxäjëm extëm diˈib mä naymyujkën, pääty oy ko nmëjjäˈäwëm ko mbäät yajtuny mä jëën tëjk. ¿Mbäät mijts xyˈawanë mdëjk? Awanë, oy kyamëj kyaˈoyëty. Pes diˈib yˈixandëbë mëjjäˈäytyëjk, yëˈë mätsoo wyeˈemyë mdëjk ets nanduˈun tijaty yˈijty yˈijxtëp ko tˈëxtäˈäytyë mä yajtunëdë Estuudyë de Liibrë. Pën mˈawanëyaambyë mdëjk, anëëmë ja diˈib nyikëjxmˈäjtypyë grupë.