Mëdooˈit parë tijaty xyjatët
1. ¿Tiko tsyiptaˈaky ets yajxon nmëdooˈijtëm ko tyunyëtyë mëjatypyë asamblee?
1 Tsojk tsyondäˈägäˈänyë tuˈukmujkënë tëgëk xëëbë mä tyäˈädë jëmëjt 2013. Kajaa të tyundë nmëguˈukˈäjtëm parë të yajtukniwitsë diˈib mbäät pyudëkëdë jäˈäy abëtsemy nyaxwinyëdë. ¿Të xytyukniwitsë parë ni tuk xëë mgatëgoyˈatët? Ko tyunyëtyë asamblee mëjatypyë tamˈäjtpë naynyaˈamë, pääty tsiptakp ets yajxon nmëdooˈijtëm. Nan jeky tsyekyëty ets ja jot winmäˈäny jam nbëjtakëm, pes kanäägë diskursë nyaxy ets kyaj dyuˈunëty ko nëjkxëm mä naymyujkën. Ets näˈäty, anuˈkxëm mët ko të nduˈuyoˈoyëm o mët ko jam ti të nduˈunëm. ¿Ti mbäät xypyudëjkëm parë wijy kejy nyajpatëm ets nmëdooˈijtëm parë tijaty njäjtëm? (Deut. 31:12.)
2. ¿Wiˈix mbäät xyaˈˈawäˈätsyë mjot korasoon ko xynyijawët tijaty naxäämp mä asamblee?
2 Mä tkapäätynyëmë asamblee. Mä Internet www.jw.org/es, jap xypyäädäˈänyë programë diˈib myaytyäˈägaampy tijaty ja diskursë txëˈatäˈäny ets tuˈuk majtskë tekstë diˈib jëjpˈam nyimaytyäˈägaampy. Pën mmëdäjtypyë Internet, mbäät xyajpëtsëmyë tyäˈädë ëxpëjkpajn diˈib mbäät mbudëkëty parë xyaˈˈawäˈätsëdë mjot mgorasoon (Esd. 7:10). Nan mbäät mä mDiosˈawdattë mëdë mFamilyë xynyimaytyäˈäktë tyäˈädë programë parë niˈamukë xymyëdooˈittët mä asamblee.
3. ¿Ti mbudëkëyanëp parë yajxon xymyëdooˈitët?
3 Mä tyunyëtyë asamblee. Oyxyëp ko mnëjkxy mä banyë mä kyatsondaˈakynyëm. Ets nan yajpiˈitsë mselulaar parë kyaj mnaˈamëdët ko pën mmëgäjpxëdët o mnijayëdët ets parë kyaj pën xynyijayëyäˈänët mä meerë tyunyëtyë asamblee. Pën tam tiko kyaj mbäät xyajpiˈitsy, tuknibanë parë kyaj nyaˈamët ko pën mmëgäjpxëdët. Ets pën myajtunaampy tuˈugë tableta electrónica, oy ko xyˈixët wiˈix xyajtuny, net ja mëguˈuktëjk tpëjtäˈäktëdë jyot wyinmäˈäny mä diˈib jam näjxp. Kyaj mjëˈx mbëkët o xyˈuugët tijaty mä jam nyaxyë ëxpëjkën (Ecl. 3:1). Winˈijxpat ja diˈib jam yajnäjxypyë diskursë ets paˈix mä mBiiblyë ja tekstë diˈib nyigajpxypy. Nan oy ko xykyujayët wanaty.
4. ¿Wiˈix mbäädë tääk teety tpudëkëdë yˈuˈunk yˈënäˈk parë tmëdooˈittët ets tjattët?
4 Oy ko ënäˈkuˈunk tmëdooˈittët ets tjattët tijaty. Proverbios 29:15 jyënaˈany: “Ja mixy diˈib naspëkë jëdijtp, yajtsoytyuˈunbäädaambyë tyääk”. Pääty, oyxyëp ko uˈunk ënäˈk yˈuˈunyëdë mëdë tyääk tyeety, net ja tääk teety tˈixtët pën myëdooˈijtypy yajxon, ets kyaj jeˈeyë kyäjpx myaytyäˈäktët, tkaxtëdë mensaje o nyax tyëkëdët. Axtë ënäˈkuˈungë mutskatypyë mbäät yajtukniˈˈixëdë parë kyaj myäˈädët ets amonyë yˈittët, oy tkajaygyujkëtyaˈayët tijaty jam näjxp.
5. ¿Tiko yˈoyëty njamyajtsëm tijaty të nyaxy, ets wiˈix mbäät nduˈunëm?
5 Ko asamblee kyëxët. Tsojk manaxët ets mäˈä poˈkx yajxon. Juudë tiempë parë xynyimaytyäˈäktët waanë mëdë mfamilyë diˈib të xyjattë mä asamblee, net kyaj tsojk xyjyaˈaytyëgoytyët. Ets pën mnëjkxtëp muum kaabyë mëdë mëtnaymyaayëbë, ¿tiko xykyanimaytyäˈäktë tijaty të xyˈoymyëdowdë? Mbäät yëˈë xynyimaytyaˈaky diˈib të xykyujayë. Ets ok, ko mDiosˈawdattët mëdë mFamilyë, mbäät xynyimaytyäˈäktë wiˈix mbäät xykyuytyundë mä mjukyˈäjtën. Nan mbäät xyjuuttë tiempë sëmään sëmään parë xykyäjpxtët ja ëxpëjkpajn diˈibaty të jyembyëtsëmy.
6. ¿Tsobäädäämp ko jeˈeyë nëjkxëm mä asamblee? Oknimaytyäˈäk.
6 Kyaj tsyobäädäˈäny nëjkxëm mä tyunyëtyë käˈäy ukën pën kyaj ndukxondakëm ets kyaj nˈoyjäˈäwëm. Nanduˈun mbäät jyaty mët ja käˈäy ukën diˈibë Dios xymyoˈoyëm mä ja tuˈukmujkënë tëgëk xëëbë. Pääty, nˈoktuˈunëmë mëjää parë nyajpatëm nuˈun tyuˈuyoˈoy ja ëxpëjkën, nˈokmëdooˈijtëm yajxon etsë net nbaduˈunëm diˈib të njäjtëm.