“Nˈaxäjëbëtsë mˈëxpëjkpajtën pën mˈaxäjëbë njaˈajëts”

Näägë jäˈäy net tˈaxäjëdë ëxpëjkpajn pën nˈaxäjëmë jyaˈa. Per mayë ëxpëjkpajn diˈib yajpëtsëëmdëp yëˈë myaytyakypy diˈib kyaj tyëyˈäjtënëty, pääty kyaj yˈoyëty ets mëët nwingubëjkëm. ¿Wiˈix mbäät nˈatsoˈojëmë jäˈäy wintsëˈkën myëët ko duˈun xyˈanmäˈäyëm? (Rom. 1:25.) Mbäät duˈun nˈatsoˈowëm: “Dyoskujuyëm ko duˈun mjënäˈäny, per ¿ti myaytyakypyë mˈëxpëjkpajn? ¿Wiˈix jap tnimaytyaˈaky yˈoyëyaˈanyë jotmay diˈibë naxwinyëdë jäˈäy wyinguwäˈkëp? [Waˈan ja jäˈäy tˈatsoojëmbity. Pën mˈanmääyëp parë xykyäjpxët ets xynyijawët, anëëmë ko mijts jawyiin të xytyuknijawë ti myaytyakypy ja ëxpëjkpajn, taanëm të xyˈawanë parë dyajwëˈëmët. Ta net xykyäjpxëdë Matewʉ 6:9, 10.] Extëmë tyäˈädë tekstë jyënaˈany, Jesus tyukniˈˈijxë ko mët yëˈëgyëjxmë Diosë Kyutujkën yajtunäˈänyë Diosë tsyojkën yä Naxwiiny. Päätyë ëxpëjkpajn diˈibëts ngajpxypy, yëˈë diˈib myaytyakypy tijaty tyunaambyë Diosë Kyutujkën. ¿Mbäät tuˈuk majtsk ndukˈixy mä Biiblyë ti tyunaambyë tyäˈädë gobiernë?”.