¿Xytyuˈumoˈoyëmë Diosë yˈAyuk tuˈuk tuˈugë xëë?

Ko ngäjpxëmë Biiblyë bom bom, xypyudëjkëm parë mëkë mëbëjkën nmëdäjtëm ets täˈtspëky (Kol. 2:6, 7). Per pën ntsojkëm etsë Jyobaa yˈAyuk xypyudëjkëm mä jukyˈäjtën, tsojkëp nbawinmäˈäyëm wiˈix xyˈanmäˈäyëm etsë net nguytyuˈunëm (Eb. 4:12; Sant. 1:22-25). Josué 1:8 tëgëk pëky tnimaytyaˈaky wiˈix mbäät nˈëxpëjkëm: 1) ngäjpxëmë Biiblyë “xëëny koots”; 2) ngäjpxëm “yuunk”, tyäˈädë yëˈë yˈandijpy njuˈtëmë tiempë parë nbawinmäˈäyëm ti jam tuun jäjtëp myentrës ngäjpxëm ets 3) nduˈunëmë mëjää parë nguytyuˈunëm “tukëˈëyë tijaty ijtp kujayë” mä Biiblyë. Pën nbanëjkxëm extëm yää tëgëk pëky yajnimaytyaˈaky, nëjkxëp oy njukyˈäjtëm ets nëjkxëp tijaty nduˈunëm mëdë wijyˈäjtën tuˈuk tuˈugë xëë.