WIˈIX JYUKYˈATYË DIOS MËDUUMBË
¿Näˈäts mbäät nduny prekursoor ausilyaar?
Ja templë diˈibë Ezequiel yˈijx, yëˈë xytyukˈijxëm ko Jyobaa kyäjpn nyayoxäˈänëdë. ¿Wiˈix ëtsäjtëm mbäät nnayojxëm parë nmëjkumäˈäyëmë Jyobaa? (Eb. 13:15, 16).
Tuk pëky wiˈix mbäät nmëjkumäˈäyëm, ja ko nduˈunëm prekursoor ausilyaar. Mä jëmëjt 2018 kanäägë poˈo diˈib myëminaambyë mëgoxkë sääbëdë ets mëgoxkë domingë. Tyäˈädë mbäät pyudëkëdë pënaty tuundëp sëmäänˈabety ets jeˈeyë nyëjkxtë käjpxwäˈkxpë sääbëdë domingë. Ets pënaty tuundëp prekursoor ausilyaar marsë etsë abril, ets mä sirkuitë xykyuˈijxëm, mbäät jeˈeyë tyundë 30 oorë.
¿Ets pën kyaj mbäät nduˈunëm prekursoor ausilyaar? Pes ta niˈamukë nduˈunëmë mëjääw parë niˈigyë ngäjpxwäˈkxëm ets mas oy nduˈunëm. Oy nmadak ngamadakëm, mbäät niˈigyë nduˈunëm mä jëmëjt 2018, mët ko ntsojkëmë Jyobaa (Os. 14:2).
Extëmë Sabina tjotmoˈoyë Diosë tyuunk, ¿wiˈixëts mbäät nbanëjkxë yˈijxpajtën?
IXË BIDEO “PËNË SABINA MBÄÄT DUˈUN TYUNY, NAN MBÄÄT DUˈUN NDUˈUNËM”, TA NET XYˈATSOOWËMBITËDË TYÄˈÄDË YAJTËˈËWËN:
¿Ti pudëjkëbë Sabina parë niˈigyë Jyobaa tmëduny?
¿Wiˈix mbudëkëtyë yˈijxpajtënë Sabina?
¿Ti poˈojëts mbäät nduny prekursoor ausilyaar mä jëmëjt 2018?