Nˈokmëjkumäˈäyëmë Jyobaa ko nduˈunëm prekursoor

Tamë nety kanäk pëky tiko mbäät ja israelitëty tmëjkumaytyë Jyobaa, pes të nety yajpëtsëmëdë Egipto ets të yajnitsoˈogëdë mä ja faraon mët ja tsyiptuumbëty (Éx. 15:1, 2). Jyobaa duˈunyëm tyam tpudëkë nyax kyäjpn. ¿Wiˈix mbäät nyajnigëxëˈkëm ko nmëjjäˈäwëm? (Sal. 116:12).

Extëm nˈokpëjtakëm, mbäät nduˈunëm prekursoor ausilyaar o regulaar. Nˈokˈamdoˈowëmë Jyobaa parë xymyoˈoyëmë jot mëjääw ets ja tsojkën parë duˈun nduˈunëm (Filip. 2:13). Nimayë nmëguˈukˈäjtëm jawyiin tyuuntsondäˈäktë ausilyaar. Extëm marsë o abril ets ko xykyuˈijxëmë sirkuitë, mbäät ngëyäjkëm 30 o 50 oorë. Ko nety jantsy jotkujk të nnayjyäˈäwëm ko të nduˈunëm ausilyaar, mbäädë net nbëjtakëmë winmäˈäny parë nduˈunëm regulaar. Axtë pënaty tuundëp sëmäänˈabety o diˈib pëjk ijxëdëp mbäät tyundë regulaar (mwb16.07 paj. 8). Duˈunë duˈun, Jyobaa yëˈë duˈun nitëjkëp ets nmoˈoyëm ja jot mëjääw parë nmëjkumäˈäyëm (1 Crón. 16:25).

KO NETY TË YAˈIJXTÄˈÄYË BIDEO NIDËGËËGË NMËGUˈUKˈÄJTËM DIˈIB TUKAˈAX JAP MONGOLIA, TA YAˈˈATSOOWËMBITËDË TYÄˈÄDË YAJTËˈËWËN:

• 

  ¿Tijaty jotmay myëmadaktë tyäˈädë nmëguˈukˈäjtëm ko tyuundëjkëdë prekursoor?

• 

  ¿Tijaty kunuˈkxënë të tˈaxäjëdë?

• 

  Ko tyundë prekursoor, ¿wiˈixë jyënˈääw tyëjkˈääw të yˈakˈawäˈätstë parë niˈigyë tmëdundëdë Jyobaa?

• 

  ¿Wiˈixë wiinkpë të pyudëkëdë mët ko duˈun tyundë?