Mbäät mas niˈigyë nmëjkumäˈäyëmë Jyobaa
1. ¿Ti të yajtukniwitsë jemy parë nmëjkumäˈäyëmë Jyobaa “mëjwiin kajaa”?
1 Tyam, tuˈuk tuˈugë jëmëjt, mbäädë nmëguˈukˈäjtëm tyundë prekursoor ausilyaar marsë ets abril ets tkëyaktët 30 oorë. Ets koogoo ja sirkuitë xykyuˈijxëm, nan mbäät duˈun tyundë ets tkëyaktët 30 oorë. Tyäˈädë ja duˈun të yajtuuntsondaˈaky marsë poˈo mä tyäˈädë jëmëjt. Pën ja xykyuˈijxëm mä ja poˈo kyexy ets mä ja tuˈuk yˈäänëˈëky, mbäät ja nmëguˈukˈäjtëm twinˈixtë diˈibë poˈo tyunäˈändë prekursoor ets tkëyaktët 30 oorë. Niˈamukë prekursoor ausilyaar mbäät tpatäˈäytyë nuˈun jyakäˈäny ja reunyonk diˈib myëdäjttëbë prekursoor regulaar etsë espesial mët ja sirkuitë. Pääty, pën kyaj nmadakëm nduˈunëm prekursoor ausilyaar ets nyäjkëm 50 oorë, mbäät nduˈunëm taxkˈok prekursoor ausilyaar mä tuˈukpë jëmëjt ets nyäjkëm 30 ooraty parë nmëjkumäˈäyëmë Jyobaa “mëjwiin kajaa” (Sal. 109:30; 119:171).
2. ¿Tijaty tyukˈoyˈatandëp pënaty tuundëp prekursoor ausilyaar ko ja sirkuitë xykyuˈijxëm?
2 Ko ja sirkuitë xykyuˈijxëm. Tyam, mbäädë net nimayë nmëguˈukˈäjtëm tyundë prekursoor ausilyaar ko ja sirkuitë xykyuˈijxëm ets duˈun “nnayaˈijt nnayajxoˈonëm” ko nëjkxëm käjpxwäˈkxpë mët ja sirkuitë (Rom. 1:11, 12). Mbäät mayë prekursoor ausilyaar tˈamdowdë tuk xëë pyermisë mä tyundë parë nyëjkxët käjpxwäˈkxpë mëdë sirkuitë. Ets pënaty tuundëp sëmäänˈabety, mbäät pyëtsëmdë mëdë sirkuitë sääbëdë o domingë. Nan mbäät myëjämoˈoyëdë mëjwiin kajaa ko nyëjkxtët mä tyuˈukmuktë prekursoor regulaar etsë espesial.
3. Mä yajjamyetsyë Jesusë yˈoˈkën xëë, ¿tiko jaa yˈoyëty parë nduˈunëm prekursoor ausilyaar?
3 Marsë ets abril. Pënaty të tyundë prekursoor ausilyaar mä xëë jëmëjt të nyaxy ets të dyaktë 30 oorë mä yajjamyetsyë Jesusë yˈoˈkën xëë, tyam mbäädë net dyajmëjwiinëdë Diosë tyuunk ets dyaktët ja wyintsëˈkën parë dyajmëjpëtsëmdët (Eb. 13:15). Marsë ets abril, jantsy oy parë nyajmëjwindëjkëmë Diosë tyuunk ko nduˈunëm prekursoor ausilyaar. Pes ja mä nyajwäˈkxëmë inbitasyonk parë jäˈäy nyëjkxtët mä yajjamyetsyë Jesusë yˈoˈkën xëë. Ets kom jaa nimayë nmëguˈukˈäjtëm tjuuttë tiempë parë kyäjpxwäˈkxtë, pes ta nimay diˈib mbäät mëët nbëtsëˈëmëm. Ets ko nety të nyaxy mä të yajjamyetsyë Jesusë yˈoˈkën xëë, tsojkëp ja jäˈäy nnijëmbijtëm diˈibaty të yˈotstë ets nwoˈojëm parë nyëjkxtët mä diskursë espesial. Duˈunë duˈun, tyam mbäät mas niˈigyë nyajmëjpëtsëˈëmëmë Jyobaa ko nduˈunëm prekursoor ausilyaar. ¿Jënäämbë mjot mgorasoon parë duˈun mdunët? (Luk. 6:45.)