Jat wiˈix oy xytyunëdë Diosë tyuunk: Yajtsondäˈägë maytyaˈaky parë xytyukmëtmaytyäˈägëdë jäˈäy Diosë yˈayuk

Ko Jesus nyaybyatë nëˈam tuˈam mët ja samaritanë toxytyëjk, kyaj netyë ttukmëtmaytyakyë Diosë yˈayuk, jawyiin ti tnimaytyaktë. ¿Wiˈix mbäät nanduˈun nyajtsondakëmë maytyaˈaky mëdë jäˈäy diˈib kyaj nˈixyˈäjtëm?

• It ajiiky amëguˈuk ets käjpx mmaytyäˈäk mëdë jäˈäy. Oyë netyë Jesus yˈanuˈkxë, myëtmaytyakë jäˈäy. ¿Wiˈix ttuuny? Ko tˈanmääy parë yajnëëˈugëdët. Mbäät xymyëtmaytyaˈagyë jäˈäy ko tsuj yajxon xykyäjpxpoˈkxët ets xynyimaytyäˈäktët wiˈix ja tiempë yˈixëty o diˈib näämnëm të tyuny të jyatyëty. Diˈibën jëjpˈam, yëˈë ko xyyajtsondäˈägëdë maytyaˈaky, pääty yëˈë nimaytyäˈäk diˈib mbäädë jäˈäy tjëjpˈëw tjëjpkäjpxë. Per pën kyaj oy wyimbëtsëmy, kyaj axëëk mnayjyawëdët. Mmëtmaytyäˈägë wiinkpë jäˈäy, ets amdowë Jyobaa parë mmoˈoyëdët ja jotmëkˈäjtën (Neh. 2:4; Apos. 4:29).

• Ix näˈä mbäädë jäˈäy xytyukmëtmaytyaktsoony ja oybyë ayuk, per maˈkxtuk, këdii netyë xytyimtukmëtmaytyakojy. Nasˈixë ets ja ääw ayuk këˈëm tyuˈuwitsët. Ko mëktaˈagyë jäˈäy xymyëtmaytyäˈägäˈänët, mbäät kyaj oy nyayjyawëdë ets kyaj yˈokmaytyäˈäganët. Kyaj axëëk mnayjyawëdët pën tsojk ja maytyaˈaky kyexy ets pën kyaj të xytyukmëtmaytyaˈaky ja oybyë yˈayuk. Pën mtsiptakxëp xynyimaytyäˈägëdë Diosë yˈayuk, tunë mëjääw parë mgäjpx mmaytyäˈägët mëdë jäˈäy oy xykyanimaytyäˈägëdë Diosë yˈayuk. [Pëjtäˈägë bideo 1 ets nimaytyäˈäktë].

• Ëxtäˈäyë winmäˈäny parë xytyukmëtmaytyäˈägëdë jäˈäy ja Diosë yˈayuk. Extëm ko xytyukmëtmaytyäˈägët tijaty mmëbëjkypy, mbäädë net tijaty ja jäˈäy dyajtëy. Duˈunën ttuunyë Jesus, yëˈë tyukmëtmaytyak ja samaritanë toxytyëjk diˈibë mbäät tˈoymyëdoy, ets ta tijaty yajtëëwë. Ko Jesus ttukmëtmaytyaky ja oybyë ayuk, yëˈë nety yˈatsoowëmbijtypy tijaty ja toxytyëjk yajtëëwë. [Pëjtäˈägë bideo 2 ets nimaytyäˈäktë. Ta net xypyëjtäˈägëdë bideo 3 ets nanduˈun xynyimaytyäˈäktët].