Wiˈix nyajtsondakëmë maytyaˈaky ko ngëyäjkëmë trataadë

Eneerë 2018 ja ogäˈän myiiny mä Wiˈix njukyˈäjtëm ets nDiosmëduˈunëm wiˈix nmëtmaytyaktsondakëmë jäˈäy. Ets nyaˈˈanmäˈäyëm parë jäˈäy nmëtmaytyakëm ets kyaj jeˈeyë nmoˈoyëmë ëxpëjkpajn. Diˈib të xypyudëjkëm parë duˈun nduˈunëm, yëˈë bideo diˈibë xytyukˈijxëm mä “Wiˈixë jäˈäy nmëtmaytyakëm” ko yëˈëyë nyajtuˈunëmë Biiblyë mä nyajtsondakëmë maytyaˈaky. Per ¿yëˈë tyäˈädë yˈandijpy ko kyaj mbäädë ëxpëjkpajn nyajtuˈunëm ko jäˈäy nmëtmaytyakëm tëjkmdëjkm? Kyaj, mbäät nyajtuˈunëm. Extëmë trataadë mbäät kajaa xypyudëjkëm parë nyajtsondakëmë maytyaˈaky. Mbäät duˈun nduˈunëm extëm yä yajnigajpxy:

1. Nyajtëˈëwëm extëm myiny mä ja trataadë, ets waˈan ja jäˈäy twinˈixy wiˈix yˈatsoowëmbitäˈäny.

2. Nyaˈpˈawdijtëm ja trataadë ets ngäjpxëm ja tekstë diˈib miimp anikëjxy. Ets pën ja jäˈäy yajkypyë tiempë, ta mëët ngäjpxëm wiˈix tnimaytyaˈaky ja trataadë.

3. Nmoˈoyëm ja trataadë ets nˈanmäˈäyëm parë tkäjpxët ko tiempë tmëdatët.

4. Ets ok ta nˈaktukˈijxëm mä jyënaˈany “Nayajtëwëdë” ets nˈanmäˈäyëm ko yëˈë nˈixäˈänëm wiˈix Biiblyë tnimaytyaˈaky ko jatëgok njëmbijtëm.

Ko nnijëmbijtëm, ta nˈatsoowëmbijtëm diˈib ojts nyajtëˈëwëm ets nikakëm jatuˈugë yajtëˈëwën diˈib ok nˈatsoowëmbitäˈänëm. Mbäät nwinˈijxëm tuˈugë yajtëˈëwën diˈib miimp mä jw o mä ja ëxpëjkpajn diˈib nyigajpxy ja trataadë. Ets mbäät nˈijxëm pën nmoˈoyëm ja foyetë Oybyë ayuk diˈib tsoˈomp mä Dios o wiinkpë ëxpëjkpajn diˈib miimp mä ja tuumbajn parë jäˈäy nyaˈëxpëjkëm.