Wiˈix nyajtuˈunëm mä jyënaˈany “Wiˈixë jäˈäy nmëtmaytyakëm”

Eneerë poˈo mä jëmëjt 2018 ja ogäˈän myiiny “Wiˈixë jäˈäy nmëtmaytyakëm” mä tsyondaˈagyë Wiˈix njukyˈäjtëm ets nDiosmëduˈunëm tijaty yaˈëxpëkäämp ets yajtukjayëyäämp. ¿Wiˈix mbäät nyajtuˈunëm?

Ko nyajnäjxëm ja demostrasyonk. Tsojkëp nyajtuˈunëm extëm jam myiny, nyajtëˈëwëm, ngäjpxëm ja tekstë ets diˈib ok nˈatsoowëmbitäˈänëm. Per kyaj tyimtsokyëty ets nikäjpxëmbijtëm extëm meerë myiny mä bideo. Extëm nˈokpëjtakëm, mbäät nyajtëgäjtsëm wiˈix nyajtsondakëm ja maytyaˈaky, mä yajpääty ja jäˈäy o ko tjëjpkugäjpxët. Nan mbäät nˈawäˈänëm tuˈugë ëxpëjkpajn diˈib miimp mä tuumbajn parë jäˈäy nyaˈëxpëjkëm, oy duˈun kyaminy.

Mä ngäjpxwäˈkxëm. Diˈib miimp mä jyënaˈany, “Wiˈixë jäˈäy nmëtmaytyakëm” xypyudëjkëm mä ngäjpxwäˈkxëm. Pën tuˈugë jäˈäy yˈoymyëdoopy ets yˈaknijawëyaampy, mbäät mëët nˈakmaytyakëm ets nyajtuˈunëm mä jyënaˈany “Ko tim jawyiin nnijëmbijtëm”. Mbäät nnaytyuktuˈumoˈoyëm, o nan mbäät ndimˈyajtëgäjtsëm ja maytyaˈaky. ¿Waˈan niˈigyë jäˈäy pyudëkëdët ko ngäjpxëmë wiink tekstë o nimaytyakëm diˈib wiink poˈo pëtsëëmp? ¿Ja ti näämnëm të tyuny të jyatyëty diˈibë jäˈäy myëmääy myëdajpy? Mbäät këˈëm nˈijxëm wiˈix ja jäˈäy nmëtmaytyäˈägäˈänëm extëm tˈoymyëdowët, per kyaj njäˈäytyëgoˈoyëm ko pääty duˈun nduˈunëm “mët yëˈëgyëjxm ja oybyë ayuk, es dëˈën diˈibë myëdoodëp pyäädëdët [...] ja nitsokën” (1 Kor. 9:22, 23).