Wiˈixë jäˈäy nmëtmaytyakëm

Mëdiˈibë miimp mä “Wiˈixë jäˈäy nmëtmaytyakëm” nimayë nmëguˈukˈäjtëm jyënäˈändë ko mëjwiin kajaa pyudëkëdë mä yˈëwäˈkx kyäjpxwäˈkxtë mët ko të yajxon yajtukniwinmayë. Abëtsëmy nyaxwinyëdë wiˈixëmë jäˈäy yaˈix yajpäättë, päätyë nmëguˈukˈäjtëm ko nyëjkxtë käjpxwäˈkxpë mbäät dyajtëgatstë ja myaytyaˈaky parë jäˈäy tˈoymyëdowdët. Per ko tuˈugë kampanyë yajtunët, tsojkëp duˈun nduˈunëm extëm nyajnëˈëmoˈoy nyajtuˈumoˈoyëm. Pes yëˈë nmëmëdoˈowëmë Jesus ko nˈëwäˈkx ngäjpxwäˈkxëm ja Diosë yˈAnaˈam Kyutujkën (Mat. 24:14).

Ko tuˈugë nmëguˈukˈäjtëm yajtuknipëkët tii dyajnaxët mä reunyonk mëdiˈibë tuunëp sëmäängujky, tsojkëp duˈun ttunët extëm myiny mä Wiˈix njukyˈäjtëm ets nDiosmëduˈunëm, mä jyënaˈany “Wiˈixë jäˈäy nmëtmaytyakëm”. Per pën kyaj nyaˈˈanmäˈäyëm wiˈixën meerë nduˈunëm, mbäät nyajtëgäjtsëm ja yajtëˈëwën, ja tekstë, mëdiˈibë ok nˈatsoowëmbitäˈänëm, pes wiˈixëm ja it lugäär mä nˈëwäˈkx ngäjpxwäˈkxëm parë niˈigyë jäˈäy tˈoymyëdowët. Yäˈädë yëˈë kyäjpxˈoˈoyëp mëdiˈibë ojts pyëtsëmy mä Wiˈix njukyˈäjtëm ets nDiosmëduˈunëm tijaty yaˈëxpëkäämp ets yajtukjayëyäämp, junië 2020 pajina 8.