Mbäät xygyanaraty ja mëmëjjäˈäy o mgudëjk mët ja oybyë mwinmäˈäny ets ko xywyingutsëˈëgët

Ko ja toxytyëjk diˈib Dios mëduump dyajnigëxëˈëgëdë oybyë jot winmäˈäny, mbäät ok ja myëmëjjäˈäy tyëkë ëxpëjkpë. Oyë nety kanäk jëmëjt të tyukmëtsipˈatyëty (1 Peed. 2:21-23; 3:1, 2). Pën mijts jamë duˈumbë jotmay xyyajnaxy, mmëmadäˈäk niˈigyë “ja axëkˈäjtën” ko xytyunët ja oyˈäjtën (Rom. 12:21). Diˈib niˈigyë pudëkëyanëp ja mëmëjjäˈäy, yëˈë ko tˈixët ja oybyë mjäˈäyˈäjtën ets kyaj yëˈëjëty wiˈix xyˈanëëmë.

Oy ko xywyinmayët wiˈix ja mëmëjjäˈäy nyayjyawëty (Filip. 2:3, 4). Jaygyukë wiˈix nyayjyawëty ets paˈˈayow, mëjpëjtäˈäk mientrës xykyuytyuny diˈib mnikëjxmˈäjtypy, ets mëdoowˈit wiˈix jyënaˈany (Sant. 1:19). Maˈkxtuk ets anëëmë ko mtsojkypy. Ets oy ja mjamyëët duˈun mgatsokëdët ets mgawingutsëˈëgëdët extëm mijts xytyuny, mbäät mˈity seguurë ko Jyobaa yajtsobatypy ko xykyuytyuny extëm tniˈanaˈamë (1 Peed. 2:19, 20).

KO NETY TË YAˈIJXTÄˈÄYË BIDEO JYOBAA XYMYËJÄÄWMOˈOYËM PARË NMËMADAKËM JA TSËMY KËˈËY, TA YAˈˈATSOOWËMBITËDË TYÄˈÄDË YAJTËˈËWËN:

• ¿Wiˈixë Grace Li dyajtsondaktë tsyënäˈäy jyukyˈäjtën?

• ¿Tiko tˈoymyëdooy ja Diosë yˈayuk?

• ¿Ti pudëjkë Grace Li parë tmëmadaky ja jotmay ko nyëbajtääy?

• ¿Ti nmëguˈukˈäjtëm Grace Li yˈamdoowë Jyobaa ets tjaygyukët ja myëmëjjäˈäy?

• ¿Tijaty kunuˈkxën të tˈaxäjë Grace Li mët ko dyajnigëxëˈëky ja oybyë jot winmäˈäny etsë wingutsëˈkën?