Referensyë diˈib miimp mä Wiˈix njukyˈäjtëm ets nDiosmëduˈunëm tijaty yaˈëxpëkäämp ets yajtukjayëyäämp
7-13 ÄÄMBË OKTUUBRË
TIJATY YAJPATP MÄ BIIBLYË TSOBATP MËJWIIN KAJAA | SANTYA̱ˈA̱GɄ 3-5
“Nˈokˈyaˈijxëm ja wijyˈäjtën diˈib tsoˈomp mä Dios”
(Santiago 3:17, TNM) Per ja wijyˈäjtën diˈib tsoˈomp tsäjpotm, tim jayëjpˈäjtp wäˈäts yëˈë, kyaj tsip tˈëxtäˈäy, kyaj kyujuunëty, listë yˈity parë myëdowäˈäny, myëdäjtypy ja paˈˈayoˈowën ets ak oy ja tyuˈunën, kyaj pën tpexy ets kyaj majtskë wyiin jyëjp tpëjtaˈaky.
cl-S paj. 221, 222 parr. 9, 10
¿Nyajnigëxëˈkëm mä jukyˈäjtën “ja wijyˈäjtën diˈib tsoˈomp tsäjpotm”?
9 “Tim jayëjpˈäjtp wäˈäts yëˈë”. Tyäˈädë ayuk “wäˈäts”, yëˈë yˈandijpy wäˈätsˈäjtën, duˈun nikëjxy këbajky ets mä jot winmäˈäny. Biiblyë jyënaˈany ko ja wijyˈäjtën jap tyëkë mä jot winmäˈäny, per kyaj mbäät jap tyëkë pën axëëk diˈib nwinmäˈäyëm, ntsojkënyëˈäjtëm o ndunäˈänëm (Proverbios 2:10; Matewʉ 15:19, 20). Per pën wäˈäts ja jot winmäˈäny oy pokyjyaˈay nyajpatëm, ta nayjyëbëjkëm mä ja axëëkpë ets nduˈunëm diˈib oy (Salmo 37:27; Proverbios 3:7). ¿Këdii oy ko yëˈë jawyiin yajmaytyaˈaky ja wäˈätsˈäjtën mä ja wijyˈäjtën diˈib tsoˈomp mä Dios? Pes kyaj mbäät nyajnigëxëˈkëm kanäk pëky ja wijyˈäjtën diˈib tsoˈomp mä Dios, pën kyaj njukyˈäjtëm wäˈäts o axëëk nyajpatëm Dios windum.
10 “Kyaj tsip tˈëxtäˈäy”. Ja wijyˈäjtën diˈib tsoˈomp mä Dios xypyudëjkëm parë nˈijtëm jotkujk mëdë nmëguˈukˈäjtëm, tyäˈädë jäˈäyˈäjtën yëˈë yajkypyë Diosë myëjääw (Gálatas 5:22, TNM). Pääty, nduˈunëmë mëjääw parë nyajjapˈäjtëm ja “tiˈigyëˈäjtën” mä Diosë kyäjpn (Éfesʉ 4:3). Nan nduˈunëmë mëjääw parë jatëgok nnayajtuˈugyëm ko nmëdäjtëmë jotmay. Jëjpˈam ets duˈun nduˈunëm. ¿Tiko? Jaˈko Biiblyë jyënaˈany: “Nayyajjotkujkëdë es jyikyˈattë tiˈigyë agujk jotkujk. Pën mduundëbë dëˈën, netë Dios, diˈibë yajkypy ja tsojkën esë agujkˈäjt jotkujkˈäjtën, yˈitët mä miitsëty” (2 Korintʉ 13:11). Extëm nˈijxëm, ko nˈëxtäˈäyëm ja tuˈugyëˈat, ta Dios yajpäädäˈäny mët ëtsäjtëm. Tyäˈädë yëˈë xytyukˈijxëm ko wiˈix nˈijtëm mëdë nmëguˈukˈäjtëm diˈib mëët nˈëxpëjkëm, nanduˈun nyajpäädäˈänëm mëdë Dios.
(Santiago 3:17, TNM) Per ja wijyˈäjtën diˈib tsoˈomp tsäjpotm, tim jayëjpˈäjtp wäˈäts yëˈë, kyaj tsip tˈëxtäˈäy, kyaj kyujuunëty, listë yˈity parë myëdowäˈäny, myëdäjtypy ja paˈˈayoˈowën ets ak oy ja tyuˈunën, kyaj pën tpexy ets kyaj majtskë wyiin jyëjp tpëjtaˈaky.
cl-S paj. 223 parr. 12
¿Nyajnigëxëˈkëm mä jukyˈäjtën “ja wijyˈäjtën diˈib tsoˈomp tsäjpotm”?
12 “Kyaj kyujuunëty”. ¿Ti yˈandijpy? Näägë jäˈäy diˈib yˈëxpëjkpëtsëëmdëbë Biiblyë, jyënäˈändë ko tsip yajkäjpxnaxët ja ayuk grieegë diˈib miimp mä Santiago 3:17. Mä näägë Biiblyë ja të yajkäjpxnaxy “ajiiky amëguˈuk”, “maˈkxtujkp” ets “oyjyaˈay”. Ets mä Traducción del Nuevo Mundo miimp tuˈugë notë mä tnigajpxy ko tyäˈädë ayuk ja nyikejy “diˈib yajtëjp”. ¿Wiˈix nyajnigëxëˈkëm ko xypyudëjkëm mä jukyˈäjtën tyäˈädë wijyˈäjtën diˈib tsoˈomp mä Dios?
cl-S paj. 224, 225 parr. 14, 15
¿Nyajnigëxëˈkëm mä jukyˈäjtën “ja wijyˈäjtën diˈib tsoˈomp tsäjpotm”?
14 “Listë yˈity parë myëdowäˈäny”. Tyäˈädë ayuk diˈib duˈun të yajkäjpxnaxy, jeˈeyë tëgok myiny mä Escrituras Griegas Cristianas. Tuˈugë jäˈäy diˈib yˈëxpëjkpëtsëëmbyë Biiblyë, jyënaˈany ko “ja tyunyë tyäˈädë ayuk mä wiˈixë soldäädëtëjk tmëmëdowdë ja anaˈamën”. Yëˈë miimp mä winmäˈäny ko tuˈugë jäˈäy “kyajpxykyupëky” o ko “pojënë ti yajtukupëky”. Pääty mbäät njënäˈänëm ko ja diˈib pyaduumpy ja wijyˈäjtënë diˈib tsoˈomp tsäjpotm, xondaˈakyˈääw xondaˈakyjyot tmëmëdoy ja anaˈamënë diˈib miimp mä Biiblyë. Kyaj yaˈixyˈaty extëmë tuˈugë jäˈäy diˈibë wyinmäˈäny tyimˈyajtunaampy ets kyaj dyajtëgatsäˈäny oy jyayajtukˈixy ko kyaj yˈoyëty extëm wyinmay. Pojënë wyinmääytyëgatsy ko yajtukˈixy mä Biiblyë ko kyaj yˈoyëty extëm wyinmay o extëm tijaty ttunäˈäny. ¿Duˈun ëtsäjtëmë nyaˈixyˈäjtëm?
“Myëdäjtypy ja paˈˈayoˈowën ets ak oy ja tyuˈunën”
15 “Myëdäjtypy ja paˈˈayoˈowën ets ak oy ja tyuˈunën”. Tuk pëky diˈib jëjpˈam myëdäjtypy ja wijyˈäjtën diˈib tsoˈomp tsäjpotm, yëˈë “ja paˈˈayoˈowën”. Per nˈokˈijxëm nanduˈun ko jyënaˈany “ak oy ja tyuˈunën”. Tyäˈädë majtskpë ayuk naymyënëjkxëp, pes ko mä Biiblyë yajmaytyaˈagyë paˈˈayoˈowën, yëˈë yˈandijpy nmëmäˈäy nmëdäjëm ja nmëguˈukˈäjtëm, nyaˈijxëm ja paˈˈayoˈowën ets nanduˈun tijaty ndukmëduˈunëm. Tuˈugë liibrë tnimaytyaˈaky ko paˈˈayoˈowën yëˈë diˈib “njäˈäwëm ko pënaty nˈijxˈayoˈowëm, diˈibë net tuump parë nbudëjkëm”. Extëm nˈijxëm, ja wijyˈäjtën diˈib tsoˈomp tsäjpotm, kyaj jyuunëty o kyaj ti tjawë, yajnigëxëˈkypyën ja tsojkën, ajiiky amëguˈuk ets jyäˈäwëp wiˈix ja myëguˈuk nyayjyawëty. ¿Wiˈix mbäät nyajnigëxëˈkëm ko nmëdäjtëm ja paˈˈayoˈowën?
(Santiago 3:17, TNM) Per ja wijyˈäjtën diˈib tsoˈomp tsäjpotm, tim jayëjpˈäjtp wäˈäts yëˈë, kyaj tsip tˈëxtäˈäy, kyaj kyujuunëty, listë yˈity parë myëdowäˈäny, myëdäjtypy ja paˈˈayoˈowën ets ak oy ja tyuˈunën, kyaj pën tpexy ets kyaj majtskë wyiin jyëjp tpëjtaˈaky.
cl-S paj. 226 parr. 18, 19
¿Nyajnigëxëˈkëm mä jukyˈäjtën “ja wijyˈäjtën diˈib tsoˈomp tsäjpotm”?
18 “Kyaj pën tpexy”. Ja diˈib myëdäjtypy ja wijyˈäjtën diˈib tsoˈomp mä Dios, kyaj tpexyë jäˈäy diˈib wiink rasë o wiink nasionk. Pääty pën yëˈë tyäˈädë wijyˈäjtën nnaytyuktuˈumoˈoyëm, ta nyajjëgakëm mä jot korasoon pën jap muum të nyayuˈutsyëtyë duˈumbë jot winmäˈäny (Santya̱ˈa̱gʉ 2:9). Kyaj mas oy nˈagëˈë nˈaxäjëm ja jäˈäy diˈib ëxpëky, kumeenyjyaˈay o diˈib niˈigyë tuunk nyikëjxmˈäjtypy mä tuˈukmujkën, ets nan kyaj njäämˈijx nääxˈijxëmë nmëguˈukˈäjtëm diˈib mëët nˈëxpëjkëm mët ko yˈayoobëjäˈäyëty. Pes pën tsojkëbë Jyobaa, tiko ëtsäjtëm ngatsojkëm.
19 “Kyaj majtskë wyiin jyëjp tpëjtaˈaky”. Tyäˈädë ayuk grieegë diˈib të yajkäjpxnaxy “kyaj majtskë wyiin jyëjp tpëjtaˈaky”, mbäät yëˈë tˈandijy “tuˈugë jäˈäy diˈibë wyinjup pyëjtakypy mä yaˈixypyëtsëmy”. Tëëyëp ja grieegë jäˈäy ets ja Romanë jäˈäy naywyinjujpëdëp ijty ko yaˈixypyëtsëmdë. Pääty ko mä ayuk grieegë jyënaˈany “kyaj majtskë wyiin jyëjp tpëjtaˈaky”, yëˈë myaytyakypy tuˈugë jäˈäy diˈib jeˈeyë yaˈixypyëtsëëmp. Ko nmëdäjtëm ja wijyˈäjtën diˈib tsoˈomp tsäjpotm, ta kyaj duˈun njäˈäyˈäjtëm mët ja nmëguˈukˈäjtëm ets nan kyaj wingëˈëy agëˈëy jeˈeyë ntsojkëm.
Nˈokˈëxtäˈäyëmë oorë platë diˈib ijtp yuˈutsy
(Santya̱ˈa̱gʉ 4:7) Pääty naygyëyakëdë tiˈigyë mä Dios. Katë xykyupëktë ja mëjkuˈugopk, net miits mgugaˈagëdët.
Ixyˈat ja mmëtsip
4 Apostëlë Pedro ojts tˈijxkijpxyë Mëjkuˈu extëm tuˈugë “kää myuˈuy” etsë Juan ojts ttijy “sarpyentë” (1 Peed. 5:8; Diˈibʉ Jat. 12:9). Per kyaj tiko ntsëˈk njäˈäwëm, pes waanë mëjääw tmëdaty (käjpxë Santya̱ˈa̱gʉ 4:7). Jyobaa, Jesus etsë anklëstëjk, yëˈë xykyuwäˈänäˈänëm ets xypyudëkëyäˈänëm parë njëjpkuwäˈkëm tijaty mëët xyyajkäˈäjëm. Per tsojkëp nnijäˈäwëm wiˈix yaˈˈatsoowëmbityë tyäˈädë tëgëëkpë yajtëˈëwën: ¿Nuˈunënë mëjääw tmëdatyë Satanás? ¿Wiˈixë Satanás twinˈëënyë jäˈäy? ¿Axtë mäbäät jyaˈtyë myëkˈäjtën? Min nˈokˈijxëm wiˈix yaˈˈatsoowëmbity ets tijaty xytyukniˈˈijxëm.
(Santya̱ˈa̱gʉ 4:11, 12) Mëguˈugitëty, katë mnaynyiˈow mnaynyiyääxëdë nixim niyam. Diˈibë nyiˈoˈo nyiyaxëp ja myëguˈuk es tnibiˈtskäjxë, dëˈën jaˈa extëmë jäˈäy diˈibë jënäämp ko kyaj tëgekyë ja Diosë yˈanaˈamën tyuny. Es pën mjënäämp ko tam ja Diosë yˈanaˈamën diˈibë kyaj tyuny, kyaj mij xykyuytyuny ja anaˈamën, dëˈën mij extëmë anaˈambën diˈibë jënäämp ti oy es ti kaˈoy. 12 Perë Diosë dëˈën jeˈeyë diˈibë yäjk ja anaˈamën, es nan yëˈë dëˈën mbäät xytyukkumëdoˈom, es nan yëˈë mbäät xyajnitsokëm es xyajkutëgoˈoyëm; ¿per mbënë dën mij ko xynyibiˈtskäjxë ja mmëguˈugëty?
w97-S 15/11 paj. 20 parr. 8
Ko nmëdäjtëmë mëbëjkën ta nmaˈkxtujkëm ets janääm jatsojk nnuˈkxtakëm
8 Pokytyuˈunëmë nety ko niˈoˈo niyaxëmë nmëguˈukˈäjtëm (Santya̱ˈa̱gʉ 4:11, 12). Nääk yˈëbat kyäjpxpattëbë myëguˈuktëjk, waˈan mët ko wyinmaytyë ko mas wäˈäts ja jyukyˈäjtën dyajnëjkxtë o mët ko mëj këjxm nyayajnaxäˈänëdë mä ja myëguˈuktëjk (Salmo 50:20; Proverbios 3:29). Diˈib të yajkäjpxnaxy niˈoˈo nniyaxëm, mä ayuk grieegë yëˈë yˈandijpy ko pën nmëtsipˈäjtëm, ko niwäämbajtëm o ko nbayoˈoyëm extëm kyaj tyëyˈäjtënëty. Ko duˈun nˈadëtsëm, ¿tiko nyaxy extëm ja diˈib “jënäämp ko kyaj tëgekyë ja Diosë yˈanaˈamën tyuny”? Wenë, ja fariseety duˈun ijty tijaty tpayoˈoytyë extëm ja kyëˈëm anaˈamën dyajnaxkëdäˈäktë, ets kyaj tpadundë ja Diosë yˈanaˈamën (Markʉs 7:1-13). Pääty ko njënäˈänëm ko ja nmëguˈukˈäjtëm kyaj yˈoyëty diˈib tyuumpy mientrësë Jyobaa kyaj duˈun wyinmay, duˈunë nety njënäˈänëm “ko kyaj tëgekyë ja Diosë yˈanaˈamën tyuny” ets yëˈë nety nmëbokytyuˈunëmë Jyobaa. Ko niˈoˈo nniyaxëm ja nmëguˈukˈäjtëm, nan kyaj nety nbaduˈunëm ja ley diˈib nyiˈanaˈamëp ets nnaytsyojkëm (Romanʉs 13:8-10).
14-20 ÄÄMBË OKTUUBRË
TIJATY YAJPATP MÄ BIIBLYË TSOBATP MËJWIIN KAJAA | 1 PEEDRɄ 1, 2
“Mˈittëp miitsëty wäˈäts”
(1 Peedrʉ 1:14, 15) Extëmë uˈunk ënäˈkëty diˈibë mëdoodëp, mëmëdowdë miitsëty yajxon ja Dios. Katë mjikyˈattë mët ja axëk atsojkën diˈibë mmëdäjttë ko nety kyajnëm xynyijawëdë wiˈix ja Dios ttseky es njikyˈäjtëm. 15 Jikyˈattë wäˈäts, jaˈa ko Dios diˈibë të mwinˈijxëdë, wäˈätsëˈë.
Ko ojts nyajjuuybyëtsëˈëmëm: yëˈë tuˈugë regalë diˈib kajaa tsobatp
5 Ets ëtsäjtëm, ¿wiˈix nyajnigëxëˈkëm ko ntsojkëmë Diosë xyëëw? Ja mä wiˈix njukyˈäjtëm. Jyobaa tsyojkypy ets njukyˈäjtëm wäˈäts (käjpxë 1 Peedrʉ 1:15, 16). Pääty, yëˈëyë Jyobaa nˈawdäjtëm ets nmëmëdoˈowëm amumduˈukjot. Axtë ko jäˈäy xypyajëdijtëm, nduˈunëmë mëjääw parë njukyˈäjtëm extëmë Jyobaa xytyukniˈˈijxëm. Ets ko nmëmëdoˈowëmë yˈanaˈamën, ta xyëëw nyajmëjpëtsëˈëmëm (Matewʉ 5:14-16). Nan nyajnigëxëˈkëm ko jantsy oyë yˈanaˈamën ets ko Satanás andakp. Ets oy ndëgoˈoyëm mët ko pokyjyaˈay nyajpatëm, jodëmbijtëm ets nduˈunëmë mëjääw parë njëjpkudijëm tijaty yaˈˈaxëëgëbë Jyobaa xyëëw (Salmo 79:9).
(1 Peedrʉ 1:16) Tyäädë dëˈën kyajxypy ja Dios mä jyaaybyajtën: Mˈittëp miitsëty wäˈäts, mët kots ëj nwäˈätsëty.
¿Wiˈix mbäät nwinˈijxëmë oybyë ixy jawë o xondakën?
6 Apostëlë Pääblë ojts tˈanëëmë ja Dios mëduumbëty diˈib Romë: “Katë xyajtundë yëˈë mniniˈx mgëbäjkëty [mä ja poky]”. Nanduˈun ojts tˈanëëmëdë: “Myajtëgooytyëp ja mniniˈx mgëbäjkë tsyojkën” (Romanos 6:12-14; 8:13, NM). Mä ja neky, të natyë Pääblë tnigajxy wiˈixë niniˈx këbäjk ttunyë axëkˈäjtën. Extëm ko tmaytyakyë pokyjyaˈay të naty jyënaˈany: “Yëˈë yˈää ujts mët ja axëk kajxy”. “Yëˈë tyeky pojënë tnibëyeˈeky parë dyajpëyeˈegyë nëë neˈpyny.” “Kyaj kyëxeˈeky mä wyiin ko ttsëˈëgë Dios.” (Romanos 3:13-18, NM.) Tuˈugë Dios mëduumbë mbäät tukëˈëyë nyiniˈx kyëbäjk dyaˈˈaxëëgë pën jam diˈibë dyajpokytyuny. Extëm nˈokpëjtakëm, pën tsojkëngyëjxm tˈixy mä jäˈäy axëëk yˈadëˈëtstë o mä kyëxëˈëktë niwäˈäts ëxwäˈäts, o mä axëëk nyaytyunëdë axtë nyayaˈoogëdë, duˈunxyëp extëm dyajpokytyuny ja wyiin ets dyaˈˈaxëëgë tukëˈëyë ja nyiniˈx kyëbäjk. Ko duˈun yˈadëˈëtsët kyaj mbäät dyaky ja nyiniˈx kyëbäjk extëmë wintsëˈkën diˈibë Dios kyupëkëp, pes kyaj naty wäˈäts tmëdunyë Dios (Deuteronomio 15:21; 1 Peedrʉ 1:14-16; 2 Peedrʉ 3:11). Ets mbäät mëjwiin kajaa tkuˈayoˈombäädë ko tˈixëdë ixy jawë diˈib kyaj yˈoyëty.
Nˈokˈëxtäˈäyëmë oorë platë diˈib ijtp yuˈutsy
(1 Peedrʉ 1:10-12) Yëˈë tyäˈädë nitsokën jaˈa diˈibë Diosë kyugäjxpëty yˈëxpëjktë es tpayoˈoytyë, es yëˈëjëty jënandë ko Dios mmoˈoyäˈänëdë ja kunuˈxën. 11 Yëˈë Diosë kyugäjxpëty jyanijawëyandë näˈä dëˈënë tyäädë es wiˈixë dëˈën jyatäˈäny. [...] 12 Perë Dios tyuknijäˈädë ja kyugäjxpëty ko yëˈë tyäˈädë käjxwijën kyaj myëtˈyëˈëˈattë, jaˈa es ëtsäjtëm ndukˈoyˈäjtëm. Miitsëty të xymyëdowdë tyäˈädë oybyë ayuk diˈibë të mˈanëˈëmxëdë mët ja myëkˈäjtënë espiritë santë diˈibë tsoˈon tsäjpotm, es axtë yëˈë anklësëty jyanijawëyandë tyäˈädë.
w08-S 15/11 paj. 21 parr. 10
Diˈib të yajtukwijtstuˈuty mä Santya̱ˈa̱gʉ etsë Peedrʉ
1:10-12. Ja anklëstëjk jyantsy nyijawëyandë ja tëyˈäjtën këkpäätpë diˈibë nety ja kugajpxyëty të tnaskäjpxëdë mä pënaty nëjkxandëp tsäjpotm. Kanäk pëky ja tëyˈäjtën jaanëm yajjaygyujkë ko Jyobaa dyajnaxkëdaky ja tuˈukmujkën mä primer siiglë (Éfes. 3:10). Nˈokpanëjkxëmë anklëstëjkë yˈijxpajtën ets nˈokpayoˈoyëm “ja këkpë nimëjääbë wyinmäˈäny ja Dios” (1 Kor. 2:10).
(1 Peedrʉ 1:18, 19) Mnijäˈädëp extëm tkëbejty tkumëdooy ja Dios es dyajtsoˈogët mä tadë axëëkpë jikyˈäjtën diˈibë xytyukmënikakëm ja nˈaptëjkˈäjtëm. Pes ja Dios kyaj tkëbejty ja nnitsokënˈäjtëm mët ja platë meeny oorë meeny diˈibë näjxp; 19 jantsy tsooxë Dios mgujuuyëdë es mnitsoˈoktët ko mbojpë tkëbejty mëdë Jesukristë nyeˈpyny diˈibë tyukwintsëˈkë extëm tuˈugë borreegë diˈibë ni tii tkamëdaty ja axëkˈäjtën.
“Nëˈëyoˈoyäämp tuˈuyoˈoyäämbëts mä ja mdëyˈäjtën”
11 Axëëkpë jukyˈäjtën etsë jot winmäˈäny. Tsojkëp nyayaˈitëdët wäˈäts pënaty nëˈëyoˈoy tuˈuyoˈoytyëp mä ja tëyˈäjtën (Is. 35:8; käjpxë 1 Peedrʉ 1:14-16). Ko ojts nnijäˈäwëm tijatyë Biiblyë nyiˈanaˈamëp, ta ojts nyajtëgäjtsëmë jukyˈäjtën, ets nääk mëjwiin kajaa nyayajtëgäjtsëdë. Per tsojkëp niˈamukë nnaygyuentˈäjtëm parë kyaj nnijëmbijtëm ja axëëkpë jukyˈäjtën. ¿Ti xypyudëkëyäˈänëm? Ko nbawinmäˈäyëm ti mëdë Jyobaa ojts tkujuy parë nˈijtëm wäˈäts: yëˈë kyëyäjk ja yˈUˈungë jyukyˈäjtën parë ojts xykyuˈoˈkëm (1 Peed. 1:18, 19). Pën nyaˈijtëm jodoty winmäˈänyoty nuˈunën tsyobääty ko Jesukristë ojts xykyuˈoˈkëm, ta nduˈunëmë mëjääw parë xëmë nnayaˈijtëm wäˈäts Dios windum.
21-27 ÄÄMBË OKTUUBRË
TIJATY YAJPATP MÄ BIIBLYË TSOBATP MËJWIIN KAJAA | 1 PEEDRɄ 3-5
“Tëë wyingony esë jäˈäy yajpayoˈoytyët”
(1 Peedrʉ 4:7) Tëë wyingony esë jäˈäy yajpayoˈoytyët. Pääty miits ittë tudaˈaky, wijy es mgäjxtäˈäktët.
Nˈokˈijtëm wijy ets nnuˈkxtakëm
TUˈUGË jäˈäy diˈibë nety tuump koots, jyënaˈany: “Mä mas tsyiptaˈaky nˈijtëm wijy kejy, ja ko xyëënyëyanë”. Ets mayë jäˈäy diˈib tuundëp koots nanduˈun jyënäˈändë. Tyamë Dios mëduumbë nanduˈumbë jotmay pyattëp, pes jëjpkëxanëbë tiempë mä Satanás yˈaneˈemy, ets duˈun nyajpatëm extëmxyëp të jyantsy myëj kyootsënë (Rom. 13:12). ¡Jantsy kujotmay ko Dios mëduumbë nyaygyumanaxëdët mä të jyantsy kyootsënë! Pääty jyëjpˈamëty ets nyajtuˈunëm yajxonë jot winmäˈäny ets nbaduˈunëmë Biiblyë kyäjpxwijën ko jyënaˈany, nˈijtëm wijy ets nuˈkxtakëm (1 Peed. 4:7).
(1 Peedrʉ 4:8) Pääty waˈan tˈity nan niˈigyë tsojkën mä miitsëty, mët ko mä jäˈäy nyaytsyokëdë, may ja peky nyaytyuknimaˈxëdë.
w99-S 15/4 paj. 22 parr. 3
Wiˈix nˈëxkäjpëm ets nmëmadakëm diˈibë Dios xytyukmëjagamgaˈagäˈänëm
Oy ko nmëjpëjtakëm extëmë apostëlë Pedro jyënany: “Tëë wyingony esë jäˈäy yajpayoˈoytyët. Pääty miits ittë tudaˈaky, wijy es mgäjxtäˈäktët. Pääty waˈan tˈity nan niˈigyë tsojkën mä miitsëty, mët ko mä jäˈäy nyaytsyokëdë, may ja peky nyaytyuknimaˈxëdë” (1 Peedrʉ 4:7, 8). Kom niˈamukë ak pokyjyaˈay nyajpatëm, pääty yëˈë nˈijx nduˈunëm mäjaty tyëgoytyë nmëguˈukˈäjtëm, ets mbäät yëˈë xytyuˈuˈadujkëm o xyyajkunajpëm. Satanás nyijäˈäwëp ko poky kaytyey yëˈë diˈib xyyajtëgoyäˈänëm. Ets diˈib tyukˈoybyëtsëëmpy yëˈë ko xyyajnaywyäˈkxëm. Pääty jëjpˈam ets nnaytsyojkëm nixim niyam, pes duˈun ja poky yajnimeˈkxy ets kyaj nlugäärmoˈoyëm ja Mëjkuˈu (Éfesʉ 4:25-27).
(1 Peedrʉ 4:9) Es naymyoˈoyëdë nixim niyam yëˈë jäjtakn esë käˈäy ukën mët winë mjot.
Tiko jyëjpˈamëty nˈoyjyaˈaytyakëm
2 Pedro duˈun ojts tkäjpxwijy ja Dios mëduumbëty: “Naymyoˈoyëdë nixim niyam yëˈë jäjtakn esë käˈäy ukën mët winë mjot” (1 Peed. 4:9). Diˈib të yajkäjpxnaxy “naymyoˈoyëdë [...] jäjtakn esë käˈäy ukën”, mä ayuk grieegë yëˈë yˈandijpy ko “nˈoyjyaˈaytyakëm mëdë jäˈäy diˈib kyaj nˈixyˈäjtëm”. Per ko Pedro jyënany “nixim niyam”, yëˈë myaytyäˈägan ko ja Dios mëduumbëty yˈoyjyaˈaytyäˈäktët mët pënaty yˈixyˈäjttëp. ¿Wiˈixë nety pyudëkëyäˈänëdë pën pyaduundëbë tyäˈädë käjpxwijën?
3 Pudëkëyanëdëbë nety parë tuˈugyë yˈittët. Ets ëtsäjtëm, ¿këdii kyaj njäˈäytyëgoˈoyëm ko tuˈugë nmëguˈukˈäjtëm ojts xywyoˈowëm mä tyëjk? Ets pën ëtsäjtëm ojts nwoˈowëm, ¿këdii niˈigyë ojts mëët naymyaˈaybyëjkëm? Ko nˈoyjyaˈaytyakëm mëdë nmëguˈukˈäjtëm, xypyudëjkëm parë yajxon mëët nnayˈixyˈäjtëm. Ja tiempë mä Pedro jyukyˈajty, niˈigyë nety myëjwindëkë ja amay jotmay, pääty tsojkëbë nety ja Dios mëduumbëty tuˈugyë yajpäättët. Nanduˈun tyam jyaty mä tyäˈädë “tiempë diˈib jëjpkëxanëp” (2 Tim. 3:1, TNM).
Nˈokˈëxtäˈäyëmë oorë platë diˈib ijtp yuˈutsy
(1 Peedrʉ 3:16) Mmëdattë ja mjot mwinmäˈäny wäˈäts, es dëˈën ko pën mniwäämbatëdët nanatëkë mët ko miits mˈëxpëjkpëˈatyëty ja Kristë, yëˈëjëty këˈëm wëˈëmdäˈäytyëp tsoytyuˈun mëët.
Ja tëyˈäjtën kyaj yëˈë dyajminyë “jotkujkˈäjtën” yëˈë duˈunë jotmay
14 Nˈokmëdäjtëmë oybyë jäˈäyˈäjtën. Ko ngäjpx nmaytyakëm yuunk naxypy, mbäät xypyudëjkëm parë tuˈugyë nˈijtëm mëdë jiiky mëguˈuk, per diˈib mbäät mas niˈigyë xypyudëjkëm, yëˈë ko nyaˈijxëmë oybyë jäˈäyˈäjtën (käjpxë 1 Peedrʉ 3:1, 2, 16). Pën nyäjkëmë oybyë ijxpajtën, mbäät tˈixtë ko Jyobaa tyestiigëty agujk jotkujk kyasäädëˈattë, tkuentˈattë yˈuˈunk yˈënäˈk, jyukyˈattë wäˈäts ets agujk jotkujk. Mbäät ninäˈä ja jiiky mëguˈuk kyatëkëdë ëxpëjkpë, per agujk jotkujk nnayjyäˈäwëm mët ko yëˈë Jyobaa nyajjotkujkˈäjtëm ko xëmë nmëduˈunëm.
(1 Peedrʉ 4:6) Pääty oj yajkäjxwaˈxy ja oybyë ayuk nandëˈën mä diˈibaty oˈktë.
w08-S 15/11 paj. 21 parr. 8
Diˈib të yajtukwijtstuˈuty mä Santya̱ˈa̱gʉ etsë Peedrʉ
4:6. ¿Pënaty ja oˈkpëty diˈib ojts yajtukmëtmaytyäˈäktë “ja oybyë ayuk”? Yëˈë pënatyë nety yajpattëp “extëmë oˈkpëty” mët yëˈëgyëjxm ja pyoky kyaytyeyëty, o pënatyë nety yajpattëp extëmë oˈkpë Dios windum (Éfes. 2:1). Per ko tkupëjktë ja oybyë ayuk, ta jatëgok jyukypyëjktë Dios windum.
28 ÄÄMBË OKTUUBRË AXTË 3 ÄÄMBË NOBIEMBRË
TIJATY YAJPATP MÄ BIIBLYË TSOBATP MËJWIIN KAJAA | 2 PEEDRɄ 1-3
“Nˈokˈawijx nˈokjëjpˈijxëm ja Jyobaa myëj xëëw”
(2 Peedrʉ 3:9, 10) Kyaj tyëyˈäjtënëty extëm näägëty jyënäˈändë, ko Dios jajkp tkuytyuny yëˈë diˈibë wyandakypy. Jaˈa dëˈën ko xymyëmaˈxtujkëm, es jaˈa dëˈën yajkypy ja tiempë es ja pojpë jäˈäy jyodëmbittët, es tˈaxäjëdët ja Jesús, këdiibë kyutëgoytyët. 10 Per jäˈtëp ja tiempë mä myinäˈäny ja Nintsënˈäjtëm [...] ko ni ngaˈˈawijx ngajëjpˈijxëm, extëm ja maˈtspë myiny ni jawyiin tkanigajxy. Es mä tadë tiempë yëˈë tsäjp nˈijxtëgoˈoyëm mët tuˈugë mëk pëmiˈimën. Yëˈë xëë esë poˈo esë mëtsäˈäjëty tyoyëˈktäˈäyët, es wyingin wyingäˈät ak jëën, es yëˈë naxwinyëdë es tëgekyë diˈibë ja yää yajnoˈktäˈäyët.
w06-S 15/12 paj. 27 parr. 11
Jyobaa seguurë ko ttunäˈäny ja tëyˈäjtën
11 Per, ¿wiˈix mbäät njaygyujkëm ko Jesus jyënaˈany ko Jyobaa yëˈë diˈib tyunaambyë tëyˈäjtën ets kyaj jyakäˈäny? Biiblyë jyënaˈany ko Jyobaa myëdäjtypyë maˈkxtujkën, per nanduˈun jyënaˈany ko tsojkˈam ttunäˈäny ja tëyˈäjtën ko ja tiempë ttukjäˈtët (Lukʉs 18:7, 8; 2 Peedrʉ 3:9, 10). Extëm ko ja Ayoˈonduu myiiny ja tiempë mä Noé jyukyˈajty, tuktsojk ojts kyutëgooytyaˈaytyë ja axëkjäˈäytyëjk. Ets nanduˈun jyajty ja tiempë mä Lot jyukyˈajty, ko ja jëënduu myiiny ets ojts dyajkutëgooytyaˈay ja axëkjäˈäyëty. Jesus jyënany ko “näyjyëtuˈun jyataˈany ko ënäty ja naaxwiinyëtë jaˈay ja yˈUˈunk nyikëxëˈëky” (Lucas 17:27-30, TY). Duˈunë duˈun, ajotkumonë jatëgokë axëkjäˈäytyëjk tyukjäˈtäˈänëdë ja kutëgoˈoyën (1 Tesalónikʉ 5:2, 3). Pääty, mbäät nˈijtëm seguurë ko Jyobaa ja meerë dyajkutëgoyaˈanyë axëkjäˈäytyëjk näˈä ja tyëyˈäjtënë dyajnigutukë, ni tuk xëëw tkayaˈˈanaxäˈäny.
(2 Peedrʉ 3:11, 12) Es kom dëˈën tëgekyë kyutëgoyaˈany, dëˈën miitsëty byeen yajxon xyˈixtët wiˈix mjikyˈattët wäˈäts es extëmë Dios ttseky 12 määnëm xyˈawixtë myinäˈäny tadë xëë, es xytyundët wiˈix tsojk myinët. Mä tadë xëë yajnoˈogäˈäny es kyutëgoyaˈany mët ja jëën diˈibë ijtp tsäjwinm, es diˈibë jaˈäjtp, tëgekyë jyëëywyäˈxtäˈäyët ko mëk tyoyët.
w06-S 15/12 paj. 19 parr. 18
Wingoomp ja Jyobaa myëj xëëw
18 ¡Päätytyëmë apostëlë Pedro xyˈanmäˈäyëm ets nˈawijx njëjpˈijxëm ja Jyobaa myëj xëëw! ¿Ti mbäät nduˈunëm? Tuk pëky yëˈë ko njukyˈäjtëm “wäˈäts es extëmë Dios ttseky” (2 Peedrʉ 3:11, 12). Ko jamë jot winmäˈäny nbëjtakëm yëˈë xypyudëkëyäˈänëm parë agujk jotkujk nˈawijx njëjpˈijxëm ja Jyobaa myëj xëëw. Diˈib të yajkäjpxnaxy “es xytyundët wiˈix tsojk myinët”, yëˈë yˈandijpy mä ayuk grieegë ko ti “nyajjotëgoˈoyëm”. Tëyˈäjtën ko kyaj mbäät ti nduˈunëm parë nyajtëgoˈoyëmë tiempë ets pojënë jyäˈttët ja Jyobaa myëj xëëw. Per mbäät njäˈäwëm ko pojën ja xëëw tiempë nyaxy, pën jamë tiempë nyajtuˈunëm mä Diosë tyuunk mientrës nˈawijx njëjpˈijxëm (1 Korintʉ 15:58).
Nˈokˈëxtäˈäyëmë oorë platë diˈib ijtp yuˈutsy
(2 Peedrʉ 1:19) Es dëˈën niˈigyë oy yajnijawë ko tyëyˈäjtënëty ja ayuk diˈibë Diosë kyugäjxpë yajwëˈëmdë jääybyety. Pääty miits xymyëbëktët yajxon diˈibë yëˈëjëty kyëxjääytyë, mët ko yëˈë yˈëxpëjkënëty, dëˈën yëˈë extëm tuˈugë kudëˈxn diˈibë kyudeˈxypy mä ja koots it axtë ko jyäjëˈëgët ja xëënyˈat es pyëtsëmët ja jayxyëë es tkudëˈxët ja mjot mwinmäˈänyëty.
w08-S 15/11 paj. 22 parr. 2
Diˈib të yajtukwijtstuˈuty mä Santya̱ˈa̱gʉ etsë Peedrʉ
1:19. ¿Pën ja mëtsäˈä diˈib yajtijp “jayxyëë”? ¿Näˈä pyëtsëëmy? ¿Wiˈix nnijäˈäwëm ko të pyëtsëmy? Jesukristë yëˈë yajtijp ja “jayxyëë” ko tyëjkë rey (Diˈibʉ Jat. 22:16). Mä jëmëjt 1914, ja Jesus yajpëjtaky extëmë ja Rey diˈibë nety të yajwinˈixy, ets tnigajpxy ko tim tsojk xëënyëyaˈany. Ko Pedro tˈijxy ja Jesus tyëgäjtsy ja wyiin jyëjp jam kopkëjxm, yëˈë yˈijx wiˈixë netyë Jesus tmëdatäˈäny ja mëjˈäjtën mä yajkutuky ets ko mbäät ndukjotkujkˈäjtëm tijaty ojts yajnaskäjpxë mä Diosë yˈAyuk (Mar. 9:1-3). Pën nmëjpëjtakëm ja Diosë yˈAyuk, ta tkudëˈkx tkujäjët ja njotˈäjt nwinmäˈänyˈäjtëm ets nnijäˈäwëm ko ja mëtsäˈä diˈib yajtijp jayxyëë, të pyëtsëmy.
(2 Peedrʉ 2:4) Mët ko Dios kyaj oj tpojpëmeˈxy ja anklësëty diˈibë pekytyuundë jekyëp, es tkujëbijpë mä mëj kootsˈat, es jap oj dyajweˈemy këwëëny mët ja kadenë, es tpëjkeˈky axtë ko yajpayoˈoytyët.
w08-S 15/11 paj. 22 parr. 3
Diˈib të yajtukwijtstuˈuty mä Santya̱ˈa̱gʉ etsë Peedrʉ
2:4. ¿Ti yˈandijpy ja “mëj kootsˈat”? ¿Näˈä jap ojts yajkujëduwëdë ja axëk anklësëty? Ja mëj kootsˈat yëˈë yˈandijpy ko näägë anklëstëjk yajpäättë extëmxyëp tsumy matsypyëm, kyaj yajmaytyaˈagyë naxwinyëdë jäˈäy. Duˈunxyëp extëm yajpäättë kubiˈits kuˈook mä jyot wyinmäˈänyëty parë kyaj tnijawëdët tijatyë Dios të ttuknibëjtäägë. Tyäˈädë anklëstëjk diˈib kyaj myëdoowdë nitii oyˈäjtën tkanekyˈawix tkanekyjyëjpˈixtë. Japë Dios ojts kyujëduwëdë mä tyäˈädë “mëj kootsˈat” ja tiempë mä Noé jyukyˈajty, ets duˈun yajpäädäˈändë kubiˈits kuˈook axtë ko nëjkx kyutëgoytyë.