WIˈIX JYUKYˈATYË DIOS MËDUUMBË
Jyobaa kyuwaambyë nyax kyäjpn
Ja tim jawyiimbë Paskë diˈib tyuundë ja israelitëty, jantsy jëjpˈam nyajxy. Ko ja faraon tpëjkyë kuentë ko të yˈooky ja kyaˈaxkopkˈuˈunk, ta mä tadë koots tˈanmääyë Moisés: “¡Nëjkxtë, winwäˈktuttëgëts yää, nidukëˈëyë miitsëty Israel jäˈäyëty. Nëjkx ëwdattë yëˈë mWintsënëty [Jyobaa], duˈun të mˈënäˈändën” (Éx. 12:31, MNM). Jyobaa yajnigëxëˈk ko xëmë tkuwäˈänyë kyäjpn.
Ko nˈijxëm wiˈixë Diosë kyäjpn të tsyonëˈëky të tsyondaˈaky mä tyäˈädë ndiempëˈäjtëm, ta nˈijtëm seguurë ko Jyobaa duˈunyëm tnëˈëmoˈoy ttuˈumoˈoyë kyäjpn ets tˈijxˈity tkuentˈaty. Duˈun yajnimaytyaˈaky mä tuk pëky museo diˈib japˈäjtp warwick, diˈib xyëwˈäjtypy: “Tuˈugë käjpn diˈib myënëjkxypyë Jyobaa xyëëw”.
KO NETY TË YAˈIJXTÄˈÄYË BIDEO IXYˈATË MUSEO JAP WARWICK: “TUˈUGË KÄJPN DIˈIB MYËNËJKXYPYË JYOBAA XYËËW”, TA YAˈˈATSOOWËMBITËDË TYÄˈÄDË YAJTËˈËWËN:
Pënaty yˈËxpëjktëbë Biiblyë, ¿ti tuumbajn yajtuundë parë jäˈäy ttuknijäˈäwëdë tëyˈäjtën mä jëmëjt 1914, ets wiˈix wyimbëtsëëmy?
¿Tijaty jotmay wyinguwäˈkëdë ja nmëguˈukˈäjtëm mä jëmëjt 1916 ets 1918? ¿Ets wiˈix ojts nyigëxëˈëky ko Jyobaa yëˈë nety nyëˈëmoopy tyuˈumoobyë kyäjpn?
¿Wiˈix ja nmëguˈukˈäjtëm mëk tyënääytyë oyë jäˈäy nyibëdëˈkëdë?
¿Ti jyaygyukëdë ja Diosë kyäjpn mä jëmëjt 1935, ets wiˈix wyimbëtsëëmy?
Pën të mˈotsy mä tyäˈädë museo o diˈib yajpatp mä wiinkpë Betel, ¿wiˈix të dyajkëktëkë mëbëjkën ko Jyobaa yëˈë nyëˈëmoopy tyuˈumoobyë ets kyuwaambyë kyäjpn?