Kyaj nëgoo xymyëmay xymyëdäjët ko tijaty xyaˈˈamääytyäˈägët

Nëgooyë tsyiptaknë jukyˈäjtën mä yäˈädë tiempë mëdiˈibë jëjpkëxanëp. Ets kom niˈigyë wyingoonˈadëtsnë ja kutëgoˈoyën, niˈigyë nbäädäˈänëm ja amay jotmay. Axtë mbäät nyajtëgoyˈäjtëm tijaty (Hab. 3:16-18). ¿Ti xypyudëkëyäˈänëm parë kyaj nëgoo ndimymyëmäˈäy ndimymyëdäjëm ko tijaty nyaˈˈamääytyakëm? Ko duˈunyëm ndukˈijxpajtëmë Jyobaa, pes yëˈë të twandaˈaky ko kyuentëˈataampy pënaty mëduunëdëp ets myoˈoyaampy tijaty yajtëgoyˈäjttëp oy wiˈix yaˈix yajpäättët (Sal. 37:18, 19; Eb. 13:5, 6).

¿Ti mbäät xytyuny?

• Mmënuˈkxtäˈägë Jyobaa parë mnëˈëmoˈoy mduˈumoˈoyëdët, mbudëkëdët ets mmoˈoyëdët ja wijyˈäjtën (Sal. 62:8).

• Kupëk ja tuunk oyë nety ninäˈänëm xykyatuny (g-S 1/10 paj. 8, 9, rekuäädrë).

• Duˈunyëm käjpxë Biiblyë bom bom, nëjkx reunyonk ets ëwäˈkx käjpxwäˈkxpë.

KO NETY TË YAˈIJXTÄˈÄYË BIDEO NˈOKKOJËM TUˈUGË TËJK DIˈIB TÄˈTSPËKY ITËP KO NDUKJOTKUJKˈÄJTËM DIˈIB TYAM NMËDÄJTËM, TA YAˈˈATSOOWËMBITËDË YÄˈÄDË YAJTËˈËWËN:

• ¿Ti jotmay wyinguwäˈkëdë yäˈädë familyë?

• ¿Ti mbäät niˈigyë jëjpˈam nbëjktakëm mä jukyˈäjtën?

• ¿Wiˈix mbäät nbudëjkëm pënaty tsip nimëjääw xyëëw tiempë yajnäjxtëp?