WIˈIX JYUKYˈATYË DIOS MËDUUMBË
Nˈokˈawijxˈadëtsëm maˈkxtujkën myëët
¿Nuˈun kujk mijts xyˈawixy ets myinët ja Diosë yˈAnaˈam Kyutujkën? ¿Mˈawijxp maˈkxtujkën myëët oyë amay jotmay xywyinguwäˈägë? (Rom. 8:25). Ta näägë Dios mëduumbë diˈibë jäˈäy axëkˈijxëdëp, axëktuunëdëp, yajtsum yajmatstë ets axtë yˈatsëˈëk yˈajawëdë ko yaˈoogäˈänëdë. Ets nan ta diˈib yaˈˈayoowëdëbë mëk päˈäm o ja mëjjäˈäyˈat.
¿Ti xypyudëkëyäˈänëm parë duˈunyëm nˈawijxëm maˈkxtujkën myëët oy nbatëmë amay jotmay? Ko nyajkëktëjkëm ja mëbëjkën mët ko ngäjpxëmë Biiblyë bom bom ets nbawinmäˈäyëm. Nan jëjpˈam ets nbëjtakëm ja winmäˈäny mä ja kunuˈkxën diˈibë miimp këdakp (2 Kor. 4:16-18; Eb. 12:2). Nan tsojkëp nˈamdoˈowëmë Jyobaa ets xypyudëjkëm mëdë myëjääw (Luk. 11:10, 13; Eb. 5:7). Jyobaa xypyudëkëyäˈänëm parë nmëmadakëm oytyim tiijëty maˈkxtujkën myëët ets agujk jotkujk (Kol. 1:11).
IXË BIDEO NˈOKPËYËˈKËM MAˈKXTUJKËN MYËËT: NˈOKˈIJTËM SEGUURË KO NGANARATÄˈÄNËM JA PREMIË, TA NET YAˈˈATSOOWËMBITËDË TYÄˈÄDË YAJTËˈËWËN:
¿Tijaty jotmay mbäät nbatëm diˈib kyaj nˈawijx njëjpˈijxëm? (Ecl. 9:11).
¿Wiˈix xypyudëjkëm ko nuˈkxtakëm parë nwinguwäˈkëmë amay jotmay?
Pën kyaj mbäät nˈokmëduˈunënë Jyobaa extëm ijty, ¿tiko yˈoyëty nwinmäˈäyëm diˈib mbäät nˈaktuˈunëm?
Pëjtäˈäk ja mˈijxënë mä ja premië.
¿Ti diˈib mijts mbudëjkëp parë duˈunyëm xymyëbëky ko mganarataampy ja premië?