Tukmëtmaytyäˈägë jäˈäy mëdiˈibë miimp mä tyimtsondaˈagyë jw.org

Mä tsyondaˈagyë jw.org, tap myinyë artikulo etsë bideo mëdiˈibë mbäät tˈoymyëdowdë pënaty yˈixyˈatandëbë Dios (Hech. 13:​48, TNM). Yajnimaytyakp jap nanduˈun tijaty näjxp mä notisyë ets tijatyë jäˈäy myëmääy myëdäjtëp.

¿Wiˈix mbäät xyajtunyë jw.org mä mˈëwaˈkxy mgäjpxwaˈkxy?

• Oy ko xëmë mdëkët mä sitio parë xynyijawët tijaty jemybyëtsëëmp. Ix tijaty myëmiimpy mä jyënaˈany “Ixë tyäˈädë” ets winmay wiˈix mbäät xyajtuny mä mgäjpxwaˈkxy. (Parë mbäät xynyijawë tijaty näämnëm të pyëtsëmy, tëkë mä jyënaˈany “Akˈix”). ¡Mbudëkëyanëp parë oyë jäˈäy xymyëtmaytyäˈägët mä mˈëwaˈkxy mgäjpxwaˈkxy!

• Yajtunë artikulo etsë bideo mëdiˈibë të yajpëjktaˈaky mä tsyondaˈagyë jw.org parë jäˈäy xymyëtmaytyaktsoonët. Duˈuntsoow mbäät xynyijawë tijatyë jäˈäy jotmaytyuunëdëp.

• Tukˈix ja jäˈäy tijaty miimp mä tsyondaˈagyë jw.org. Tukmëtmaytyäˈäk tuk pëky majtsk pëky ets tukniˈˈixë wiˈix mbäät tˈëxtääy tijaty nyijawëyaampy.

• Tuknigax tuˈugë link. Näägë jäˈäy kyaj kyäjpxäˈän myaytyäˈägäˈändë mët ëtsäjtëm, per tëjkëdëp mä sitio. Pääty pën ja jäˈäy yˈoymyëdoopy, tuknigax tuˈugë artikulo, tuˈugë bideo o ja link mëdiˈibë mënëjkxëdëp mä tsyondaˈagyë jw.org.