¿Wiˈix mbäät nˈëxtäˈäyëm mëdiˈibë nyajtsobatëm extëmë oorë platë mä Diosë yˈAyuk?

Ko nˈëxpëjkëmë Biiblyë, tsojkëp tijaty nbayeˈeyëm parë mbäät nbatëm mëdiˈibë nyajtsobatëm extëmë oorë platë. Per ¿ti mbäät nduˈunëm parë nnaytyukpudëjkëm mëdiˈibë nˈëxpëjkëm?

Nˈokpëjktakëm jamë jot winmäˈäny mä mëdiˈibë jam ngäjpxëm. Extëm nˈokpëjktakëm oy ko nnayajtëˈëwëm, ¿pënën jyaay, näˈä ets pën ojts yajtuknijayë? ¿Wiˈixë nety ja tiempë mä yajjääy? ¿Ti tuun jäjtë mä kyayajäˈäynyëm ets ko nety të yajjääytyaˈay?

Nˈokwinmäˈäyëm tijatyën xytyukniˈˈijxëm mëdiˈibë jam ngäjpxëm. Ets nˈokˈijxëm wiˈix yaˈˈatsoowëmbity extëm: “¿Wiˈix nyayjyäˈäwëdë ja jäˈäyëty mëdiˈibë jap yajmaytyaktëp? ¿Wiˈixën jyaˈayˈäjttë ets tiko yˈoyëty duˈun njäˈäyˈäjtëm? ¿Tijaty kyaj oy ttuundë mëdiˈibëts kyaj mbäät nanduˈun nduny?”.

Nˈokkuytyuˈunëm tijaty xytyukniˈˈijxëm, extëm ko nëjkxëm ëwäˈkx käjpxwäˈkxpë ets ko mëdë wiink jäˈäy nyajpatëm. Pën nduˈunëm duˈun, yëˈë nety nguytyuˈunëm extëm jyënaˈanyë Salmo 107:43: “Ja mëdiˈibë wijy, yˈixaampy tyunaambyë yäˈädë”.

• Mbäät duˈun xytyuny: Mbäät naduˈundëkë mˈëxpëky extëm nˈëxpëjkëm sëmäänoty ko nyaxy “Tijaty yajpatp mä Biiblyë tsobatp mëjwiin kajaa”. Pes myëmiimbyë yajtëˈëwën, tijaty mbäät nbawinmäˈäyëm etsë dibujë.