Tukmëtmaytyäˈägë wiink jäˈäy tijaty mjäjtypy

Ko nˈëxpëjkëmë Biiblyë xypyudëjkëm, per ko ndukmëtmaytyakëmë nmëguˈukˈäjtëm tijaty të nˈëxpëjkëm, niˈigyë xypyudëkëyäˈänëm. Proverbios 11:25 jyënaˈany: “Ja mëdiˈibë pyudëjkëp ja myëguˈuk nanduˈun yajpudëkëyaˈany”.

Ko ndukmëtmaytyakëmë nmëguˈukˈäjtëm tijaty të nˈëxpëjkëm, ta niˈigyë njaygyukëyäˈänëm ets kyaj njäˈäytyëgoyäˈänëm. Ets duˈun ixtëm ëjtsäjtëm të xypyudëjkëm parë ja nmëbëjkënyëˈäjtëm të kyëktëkë, nanduˈun ja nmëguˈukˈäjtëmëty pyudëkëyäˈänëdë, ets yëˈë mëdiˈibë agujk jotkujk xyajnayjyawëyäˈänëm (Apos. 20:35).

Tiko duˈun xykyatuny: Mä ja sëmään myiny kyëdaˈaky tiko xykyatukmëtmaytyaˈaky tuˈugë jäˈäy tijaty të xyjyaty. Ixtëm ja mjëëky mmëguˈuk, ja nmëguˈukˈäjtëm mëdiˈibë mëët nˈëxpëjkëm, ja mëdiˈibë mëët mduny o mˈeskuelëˈaty, ja mmëjëën mmëdëjk o pënaty mbatypy mä mˈëwaˈkxy mgäjpxwaˈkxy. Mbäät xytyukmëtmaytyaˈaky tsuj yajxon ets mëdë mgëˈëm ääw mgëˈëm ayuk.

Jamyats: Ko wiink jäˈäy ndukmëtmaytyakëm tijaty të njäjtëm kyaj yëˈëjëty parë nnayajmëjpëtsëmäˈänëm, yëˈë duˈun parë nbudëkëyäˈänëm (1 Kor. 8:1).